बेगानी शादी में अब्दुल्ला दीवाना, राजेसाहेब देशमुखांचा ओबीसी मेळाव्यावरुन धनंजय मुंडेंवर प्रहार; छगन भुजबळांनाही टोला

हेही वाचा : बॉयफ्रेंडला लोक म्हणायचे 'हा तर तुझा मुलगा.. म्हणून मी...' तरूणीने सांगितली 'ती' गोष्ट!

"मंत्रि‍पदाचा राजीनामा देऊन ओबीसींचं राजकारण करा"

राजेसाहेब देशमुख म्हणाले, छगन भुजबळ जो मेळावा घेत आहेत, तो चुकीचा आहे. त्यांनी मंत्रि‍पदाची शपथ घेतलीये. मंत्री झाल्यानंतर त्यांचा अशा पद्धतीचा कारभार सुरु आहे. तुम्हाला एवढा जोर असेल तर मंत्रि‍पदाचा राजीनामा देऊन ओबीसींचं राजकारण करा. राजीनामा दिल्यानंतर किती ओबीसी येतात ते पाहा.. ओबीसी नवीन थोडीच आहेत. महाराष्ट्रात नवीन जाती नाहीत. ओबीसी, मराठा, मागासवर्गीय किंवा मुस्लिम समाज असेल. सर्वजण एकत्रित गुण्यागोविंदाने महाराष्ट्रात राहातात. तुम्ही ओबीसी म्हणून मराठा समाजाला विरोध करत आहात. तुमच्या संपत्तीचा हिशोब देता आला नाही म्हणून तुम्ही जेलमध्ये गेला होतात. हजारो कोटींच्या संपत्तीचा हिशोब देता आला नाही, त्यामुळे तुम्ही अडीच वर्ष जेलमध्ये गेलात. भुजबळ साहेबांचे ओबीसी किती गरीब आहेत पाहा.. जेलमधून सुटून आलात. जरा व्यवस्थित काम करा.

पुढे बोलताना राजेसाहेब देशमुख म्हणाले, बोगस मतदान करायचं. बोगस अधिकारी आणायचे. प्रशासन ठेवायचं नाही. बोगस मतांवर निवडून आले. त्यांना बोलायचा अधिकार देखील नाही. कोणत्या मराठा समाजाने तुम्हाला विचारलं आहे, की आमचा टक्का द्या. तुम्ही कोण आहेत? न बोलावता सावरगावच्या मेळाव्याला हजर होतात.