“राष्ट्रवादीचा बडा नेता अनिल देशमुख आणि नवाब मलिकांना भेटणार” मोहित कंबोज यांचा इशारा कुणाकडे?

अनिल देशमुख यांना नोव्हेंबर महिन्यात तर नवाब मलिक यांना फेब्रुवारीत अटक

अनिल देशमुख यांना ईडीने १ नोव्हेंबरला रात्री उशिरा अटक केली आहे. तर दुसरीकडे नवाब मलिक यांनीही फेब्रुवारी महिन्यात अटक करण्यात आली आहे. हे दोघेही सध्या तुरुंगात आहेत. अशात भाजपचे नेते मोहित कंबोज यांनी केलेलं ट्विट चांगलंच चर्चेत आलं आहे. आता राष्ट्रवादीच्या कोणत्या बड्या नेत्याचा नंबर या दोघांसोबत लागणार याची चर्चा रंगली आहे.

काय आहे मोहित कंबोज यांचं ट्विट?

Save This Tweet राष्ट्रवादीचा एक एकदम बडा नेता लवकरच अनिल देशमुख आणि नवाब मलिक यांना भेटणार या आशयाचं ट्विट मोहित कंबोज यांनी अगदी थोड्या वेळापूर्वी केलं आहे. आता हा बडा नेता नेमका कोण? हे पाहणं महत्त्वाचं आहे. मोहित कंबोज हे नेमका कुणाकडे इशारा करत आहेत? याचीही चर्चा ट्विटरवर रंगली आहे.

Save This Tweet :-

One NCP Big – Big Leader Will Meet Nawab Malik & Anil Deshmukh Soon !

— Mohit Kamboj Bharatiya (@mohitbharatiya_) August 16, 2022