Prakash Ambedkar : “शरद पवारांनी, ब्रेकअप स्टंट करून जनतेला मुर्ख बनवू नये”
मनसे अध्यक्ष राज ठाकरे यांच्यानंतर वंचित बहुजन आघाडीचे अध्यक्ष प्रकाश आंबेडकर यांची शरद पवार यांच्यावर टीका. शरद पवारांनी भाजपसोबत जावे, लोकांना मुर्ख बनवू नये, असं आंबेडकर म्हणालेत.
ADVERTISEMENT
Sharad Pawar vs Prakash Ambedkar : “शरद पवार हे लग्न एकाशी करतात आणि संसार दुसऱ्याशी करतात”, असे म्हणत वंचित बहुजन आघाडीचे प्रमुख प्रकाश आंबेडकर यांनी पुन्हा एकदा टीकास्त्र डागलं आहे. एकीकडे विरोधकांची आघाडी आकार घेत असताना शरद पवार हे नरेंद्र मोदी यांच्या गौरव सोहळ्याला उपस्थित राहिले. त्यानंतर प्रकाश आंबेडकरांनी गारमेंट आंटी खरं बोललीये असं म्हणत शरद पवारांना खडेबोल सुनावले आहेत.
राष्ट्रवादी काँग्रेसची दोन शकले झाली. अजित पवार यांच्या अध्यक्षतेखाली एक गट वेगळा होऊन सत्तेत सहभागी झाला, तर शरद पवारांच्या नेतृत्वाखाली गट विरोधी बाकांवरच आहे. दुसरीकडे राष्ट्रवादी काँग्रेसमधील हे बंड शरद पवारांच्या संमतीनेच असल्याचे सातत्याने बोलले जात आहे.
वाचा >> शरद पवारांना बघून अजित पवारांनी वाटच बदलली; कार्यक्रमात काय घडलं?
राष्ट्रवादी काँग्रेसमध्ये पडलेली फूट, दुसरीकडे विरोधी पक्षांची राष्ट्रीय स्तरावर आकारास आलेली इंडिया आघाडी. या सगळ्या राजकीय घडामोडी सुरू असताना शरद पवार आणि नरेंद्र मोदी पुण्यातील कार्यक्रमानिमित्त एकाच मंचावर दिसले. त्यावरून विरोधी पक्षातील नेत्यांची नाराजी लपून राहिली नाही. त्यात आता वंचित बहुजन आघाडीचे अध्यक्ष प्रकाश आंबेडकर यांनी शरद पवारांना लक्ष्य केलं.
प्रकाश आंबेडकर शरद पवारांबद्दल काय बोलले?
सोशल मीडियावर प्रचंड लोकप्रिय झालेल्या गारमेंट आंटीचा फोटो आणि डायलॉग पोस्ट करत प्रकाश आंबेडकर यांनी शरद पवारांवर टीका केलीये.
हे वाचलं का?
