“ये डर अच्छा है”, अमित शाहांच्या भाषणावर संजय राऊत काय बोलले?
खासदार संजय राऊत यांनी केंद्रीय गृहमंत्री अमित शाह यांच्यावर सडकून टीका केली आहे. नांदेड येथील सभेत केलेल्या भाषणावरून राऊतांनी टोला लगावला आहे.
ADVERTISEMENT
Sanjay Raut Vs Amit Shah : केंद्रीय गृहमंत्री अमित शाह यांनी नांदेड येथील कार्यक्रमाला हजेरी लावली. या कार्यक्रमात बोलताना शाह यांनी उद्धव ठाकरेंवर टीकेची तोफ डागली. 2019 मध्ये बंद दाराआड झालेल्या चर्चेत ठाकरेंनी बहुमत मिळालं तर देवेंद्र फडणवीस मुख्यमंत्री होतील, हे मान्य केले होते, असा दावा शाह यांनी केला. त्याचबरोबर ठाकरेंनाही काही सवालही केले. अमित शाह यांच्या या भाषणावर संजय राऊत यांनी खोचक शब्दात भाष्य केले आहे. “गृहमंत्री अमित शाह यांचे नांदेड येथील हे भाषण निवांत ऐका, मजेशीर आहे”, असं म्हणत राऊतांनी शाहांना डिवचलं आहे. (Maharashtra Politics news)
नांदेडमधील अमित शाह यांच्या भाषणाचा एक व्हिडीओ संजय राऊतांनी रिट्विट केला आहे. त्याचबरोबर त्यांनी मतही मांडलं आहे. राऊत यांनी म्हटलं आहे, “गृहमंत्री अमित शाह यांचे नांदेड येथील हे भाषण निवांत ऐका. मजेशीर आहे. मला प्रश्न पडला आहे, हे भाजपाचे महासंपर्क अभियान होते की, शिवसेना पक्षप्रमुख उद्धव ठाकरे यांच्यावर टीका करण्याचे खास आयोजन.”
हेही वाचा >> भाजपचा 2024 साठी काय आहे ‘घर वापसी’ प्लान?
“अमित भाई यांच्या भाषणातील 20 मिनिटांत 7 मिनिटे उद्धवजी यांच्यावर. म्हणजे अजून ही मातोश्रीचा धसका कायम. शिवसेना फोडली. नाव आणि धनुष्यबाण गद्दार गटास लबाडी करून दिले, तरी देखील डोक्यात ठाकरे आणि शिवसेनेचे भय कायम आहे. ये डर अच्छा है. जे प्रश्न त्यांनी उद्धव ठाकरे यांना विचारले, त्यावर खरे तर भाजपने त्यावर चिंतन करायला हवे. पण, ते स्वतःच निर्माण केलेल्या जाळ्यात स्वतःच अडकले. एवढा धसका घेतलाय”, अशी टीका खासदार संजय राऊत यांनी केली आहे.
गृह मंत्री अमित शहा यांचे नांदेड येथील हे भाषण निवांत ऐका. मजेशीर आहे.मला प्रश्न पडला आहे.हे भाजपा चे महा संपर्क अभियान होते की.शिवसेना पक्ष प्रमुख उद्धव ठाकरे यांच्या वर टीका करण्याचे खास आयोजन..अमित भाई यांच्या भाषणातील२० मिनिटात ७ मिनिटे उद्धवजी यांच्यावर. म्हणजे अजून ही… https://t.co/zYCTJllLDV
— Sanjay Raut (@rautsanjay61) June 11, 2023
हे वाचलं का?
