NCP: शरद पवारांनी अजितदादांना पुन्हा एकदा घेतलं सावरून, नेमका किस्सा काय?
Sharad Pawar and Ajit Pawar: राजकीय पातळीवर शरद पवार आणि अजित पवार हे एकमेकांसमोर उभे ठाकलेले असलेले तरी कौटुंबिक पातळीवर पवार कुटुंबीय हे आजही एकसंध असल्याचं पाहायला मिळतंय. अशावेळी शरद पवार यांनी पुन्हा एकदा अजित पवारांना सावरून घेतल्याचं पाहायला मिळालं आहे.
ADVERTISEMENT
Sharad Pawar Diwali Event Baramati Ajit Pawar: बारामती: अजित पवार गटाकडून राष्ट्रवादी काँग्रेस पक्ष आणि पक्षचिन्हावर दावा सांगितला आहे. ६ ऑक्टोबर रोजी निवडणूक आयोगासमोर सुनावणी पार पडली. निवडणूक आयोगासमोरील सुनावणीत अजित पवार गटाच्या वकिलांनी शरद पवारांचा उल्लेख हुकूमशहा असा केला. ते पक्षात कधीच लोकशाही पद्धतीने वागले नाहीत, असा आरोप अजित पवार गटाकडून करण्यात आला. (speaking on question why ajit pawar was not present at diwali program in baramati sharad pawar backed up ajitdada)
शरद पवार हुकूमशाह आहेत, ते पक्षात कधीच लोकशाही पद्धतीने वागले नाहीत.. असे गंभीर आरोप अजित पवारांच्या वकिलांनी निवडणूक आयोगापुढे केले होते. तसंच पक्षात बंडखोरी केल्यानंतर अजित पवारांनी शरद पवारांवर अत्यंत बोचरी टीका देखील केली होती. मात्र, असं असतानाही आजही राष्ट्रवादी काँग्रेसचे अध्यक्ष शरद पवार हे आपले पुतणे आणि उपमुख्यमंत्री अजित पवार यांना सावरून घेत असल्याचं पाहायला मिळालं आहे. याचंच एक उदाहरण आज (14 नोव्हेंबर) बारामती पाहायला मिळालं.
अजित पवार यांनी राष्ट्रवादी काँग्रेसमध्ये बंडखोरी केल्यानंतर घेतलेल्या जाहीर सभेत शरद पवार यांच्यावर बरीच टीका केली होती. मात्र, दुसरीकडे शरद पवार यांनी आतापर्यंत एकदाही अजित पवारांवर वैयक्तिक टीका केल्याचं पाहायला मिळालं नाही. किंबहुना अनेकदा अजित पवारांना सावरून घेतल्याचं आजवर अनेकदा पाहायला मिळालं.
हे ही वाचा>> Rohit Pawar : “फडणवीस नेत्यांना पुढे करून वाद…”, पवारांच्या विधानाने खळबळ
एकीकडे पक्ष आणि चिन्ह मिळविण्यासाठी अजित पवार गट निवडणूक आयोगात शरद पवारांवर गंभीर आरोप करत आहेत. तर दुसरीकडे अजित पवार हे मागील काही दिवसात सातत्याने शरद पवारांची बंद दाराआड भेट घेत असल्याचं पाहायला मिळतंय.
हे वाचलं का?
