Congress MLA : विधानसभा अध्यक्षांचा झटका! काँग्रेसच्या सहा आमदारांना केलं अपात्र
6 rebel Congress MLAs disqualified : राज्यसभा निवडणुकीत व्हीपचे पालन न करणे काँग्रेस आमदारांना भोवले आहे.
ADVERTISEMENT
बातम्या हायलाइट
हिमाचल प्रदेश राजकीय संघर्ष
व्हीपचे उल्लंघन करणाऱ्या आमदारांना ठरवलं अपात्र
काँग्रेसचे सरकार वाचले
Himachal political crisis : हिमाचल प्रदेशचे विधानसभा अध्यक्ष कुलदीप सिंह पठानिया यांनी पक्षादेश डावलून क्रॉस व्होटिंग करणाऱ्या आमदारांना झटका दिला. विधानसभा अध्यक्षांनी काँग्रेसच्या सहा आमदार अपात्र घोषित केले. विधानसभा अध्यक्ष पठानिया यांनी राज्यसभा निवडणुकीत बंडखोरी केलेल्या सर्व 6 बंडखोर आमदारांना अपात्र ठरवले आहे. ते म्हणाले की 'पक्षांतर बंदी कायद्यांतर्गत 6 आमदारांविरुद्धची तक्रार मंत्री हर्षवर्धन यांच्यामार्फत विधिमंडळ सचिवालयाला प्राप्त झाली होती. त्यानंतर दोन्ही बाजू ऐकून निर्णय दिला.' (six congress mla disqualified in himachal pradesh by assembly speaker)
विधानसभा अध्यक्ष कुलदीप सिंह पठानिया म्हणाले, "आमदारांनी काँग्रेस पक्षाकडून निवडणूक लढवली, पण पक्षाच्या व्हिपचे उल्लंघन केले. आणि पक्षाने दिलेल्या उमेदवाराला मतदान केले नाही. मी सर्व बाजू ऐकल्या. माझ्या आदेशाची तीस पाने आहेत... मी प्रकरण पूर्णपणे ऐकले. मी दोन्ही बाजू पूर्णपणे ऐकून घेतल्या आणि मग माझा निर्णय दिला."
या आमदारांना केलं अपात्र
सुधीर शर्मा, रवि ठाकूर, राजेंद्र सिंह राणा, चैतन्य शर्मा, देवेंद्र भुट्टो, इंदर दत्त लखनपाल अशी अपात्र ठरलेल्या काँग्रेस आमदारांची नावे आहेत. या सर्व आमदारांनी व्हिपचे उल्लंघन केले होते.
हिमाचलमध्ये पुढे काय?
हिमाचल प्रदेश विधानसभेत काँग्रेसचे 40 आमदार होते. 68 सदस्यीय विधानसभेत बहुमतासाठी आवश्यक असलेला जादूई आकडा 35 होता. राज्यसभा निवडणुकीत सहा आमदारांनी क्रॉस व्होट केले.
हे वाचलं का?
