एकनाथ शिंदेंना नको तेच होणार; अजित पवारांकडे जाणार तिजोरीच्या चाव्या!
पुन्हा एकदा अजित पवारांकडेच राज्याच्या तिजोरीच्या चाव्या जाणार असल्याचं सांगितलं जात आहे. त्यामुळे शिंदेंविरोधात ठाकरेंना बोलण्यासाठी आयता मुद्दा मिळेल असंही म्हटलं जात आहे.
ADVERTISEMENT
Ajit Pawar, Politics of Maharashtra : अजित पवारांचा भाजपसोबतचा घरोबा एकनाथ शिंदेंसाठी आगामी काळात अडचणीचा ठरण्याची चिन्हं दिसत आहे. निधी वाटपातील अन्यायाच्या मुद्द्यावर बोट ठेवत शिंदेंच्या आमदारांनी बंडासाठी अजित पवारांनाही जबाबदार धरलं. पण, आता पुन्हा एकदा अजित पवारांकडेच राज्याच्या तिजोरीच्या चाव्या जाणार असल्याचं सांगितलं जात आहे. त्यामुळे शिंदेंविरोधात ठाकरेंना बोलण्यासाठी आयता मुद्दा मिळेल असंही म्हटलं जात आहे.
उद्धव ठाकरे यांच्या नेतृत्वाखालील महाविकास आघाडी सरकारमध्ये अजित पवार हे अर्थ व नियोजन मंत्री होते. अजित पवार यांच्याकडून निधी वाटप करताना राष्ट्रवादीच्या नेत्यांना झुकत माप दिलं जात असल्याचा आरोप शिवसेनेच्या आमदारांनी बंडखोरीनंतर केला होता.
वाचा >> ‘शरद पवार हे सैतान, ते पुन्हा येता कामा नये’, सदाभाऊ खोतांचा सुटला तोल
अजित पवार हे राष्ट्रवादी काँग्रेस माजी आमदारांनाही निधी देताहेत. मुख्यमंत्र्यांकडे (उद्धव ठाकरे) तक्रार करूनही ते काहीही करत नसल्याचा सूर बंडखोर आमदारांनी त्यावेळी लावला होता. त्याचबरोबर राष्ट्रवादी काँग्रेस शिवसेनेला संपवण्याचे काम करत आहे, असंही एकनाथ शिंदेंच्या नेतृत्वाखाली बंड करणाऱ्या आमदारांनी म्हटलं होतं. पण, वर्षभरातच आता एकनाथ शिंदे कात्रीत सापडताना दिसत आहे.
अजित पवार होणार राज्याचे अर्थमंत्री
राष्ट्रवादी काँग्रेसच्या आमदारांना सोबत घेऊन अजित पवारांनी भाजप-शिवसेना सरकारमध्ये उप मुख्यमंत्रिपदाची शपथ घेतली. आता अजित पवार यांच्याकडे अर्थ व नियोजन खाते जाणार असल्याचे म्हटले जात आहे. “अजित पवार हे आता परत वित्त व नियोजन खात्याचे मंत्री होतील, ही फक्त औपचारिकता राहिली आहे. अजित पवारांच्या गटातील माझ्या सुत्रांनी सांगितलं की, मूळात अजित पवार जेव्हा भाजपसोबत ही बोलणी करत होते. त्यावेळी वित्त व नियोजन हे खातं त्यांच्याकडेच राहील अशीच बोलणी होती”, असं राजकीय पत्रकार संजय जोग यांनी मुंबई Tak शी बोलताना सांगितलं.
हे वाचलं का?
