Big Breaking: अरविंद केजरीवालांचा दारूण पराभव, विजय मिळवणारा 'तो' जायंट किलर कोण?
Delhi Seat Election Results 2025: दिल्ली विधानसभा निवडणुकीत आप पक्षाचे प्रमुख अरविंद केजरीवाल यांना दारुण पराभव पत्करावा लागला आहे. भाजपच्या प्रवेश वर्मा यांनी त्यांना मोठा धक्का देत पराभव केला आहे.
ADVERTISEMENT
Delhi Seat Election Results 2025: नवी दिल्ली: दिल्ली विधानसभा निवडणुकीतील 70 विधानसभा जागांसाठी मतमोजणी पार पडली आहे. पण सर्वांच्या नजरा नवी दिल्ली विधानसभेच्या जागेवर होत्या आणि निकाल आल्यानंतर सर्वांनाच आश्चर्याचा धक्का बसला आहे. कारण या जागेवर आपकडून माजी मुख्यमंत्री अरविंद केजरीवाल, काँग्रेसकडून संदीप दीक्षित आणि भाजपकडून प्रवेश वर्मा निवडणूक रिंगणात होते.
देशातील सर्वात चर्चेत असलेल्या मतदारसंघात म्हणजेच नवी दिल्ली विधानसभा मतदारसंघात मोठा उलटफेर झाला. येथे आप पक्षाचे प्रमुख अरविंद केजरीवाल यांना मोठा पराभव पत्करावा लागला आहे. भाजपच्या प्रवेश वर्मा यांनी त्यांना धक्का देत पराभव केला आहे. प्रवेश वर्मा यांनी अरविंद केजरीवाल यांचा सुमारे 4 हजारांहून अधिक मतांनी पराभव केला आहे.
हे ही वाचा>> Delhi Election Result: 'लढा अजून आपआपल्यात...', कोणी साधला काँग्रेस-आपवर निशाणा?
अरविंद केजरीवाल हे दिल्लीचे मुख्यमंत्री राहिले आहेत. तर, प्रवेश वर्मा यांचे वडील साहिब सिंग वर्मा हे दिल्लीचे मुख्यमंत्री होते, तर संदीप दीक्षित हे दिल्लीच्या सर्वात जास्त काळ मुख्यमंत्री राहिलेल्या शीला दीक्षित यांचे पुत्र आहेत. दिल्लीच्या नवी दिल्ली मतदारसंघातून जिंकणाऱ्या व्यक्तीला मुख्यमंत्रीपद मिळते असे मानले जाते.
भाजपने यंदाच्या निवडणुकीत जबरदस्त कामगिरी करत थेट 48 जागांवर विजय मिळवला आहे. तर आपला 22 जागांवरच समाधान मानावं लागलं.
- नवी दिल्ली मतदारसंघात 10 फेऱ्यांनंतर, भाजपचे प्रवेश वर्मा यांनी मोठी आघाडी घेतली होती, ज्यामुळे केजरीवाल मोठा धक्का बसला कारण इथून पुढे ते थेट पराभवाच्या छायेत आलेत.
अरविंद केजरीवाल नवी दिल्ली मतदारसंघातून तीन वेळा विजयी झाले आहेत.
हे ही वाचा>> Delhi Election 2025: भाजपने कमाल केली, राजधानीत कमळ फुलणार.. पाहा विधानसभा निवडणुकीचा निकाल
अरविंद केजरीवाल हे नवी दिल्ली मतदारसंघातून तीनदा आमदार म्हणून निवडून आले आहेत. त्यांनी 2913 मध्ये येथे पहिल्यांदा विजय मिळवला होता. यानंतर 2015 आणि 2020 च्या विधानसभा निवडणुकीतही ते येथून विजयी झाले होते. अरविंद केजरीवाल यांनी पहिल्यांदा येथे काँग्रेसच्या ज्येष्ठ नेत्या आणि माजी मुख्यमंत्री शीला दीक्षित यांचा पराभव केला होता.
नवी दिल्ली मतदारसंघाशी संबंधित एक खास गोष्ट म्हणजे येथून जिंकणारा आमदार दिल्लीत मुख्यमंत्रिपदावर बसलेला आहे.
राष्ट्रपतींपासून ते झोपडपट्टीवासीयांपर्यंत, प्रत्येकजण नवी दिल्ली मतदारसंघात मतदार
नवी दिल्ली विधानसभा मतदारसंघ हा देशातील सर्वात जास्त व्हीव्हीआयपी मतदारसंघ आहे. येथे राष्ट्रपती, सर्व केंद्रीय मंत्री, उच्च नोकरशहा इत्यादी मतदार आहेत. एका बाजूला व्हीव्हीआयपी आहेत आणि दुसऱ्या बाजूला झोपडपट्ट्यांमध्ये राहणारे मतदार आहेत. येथे विजय आणि पराभव निश्चित करण्यात वाल्मिकी समाजाचे मतदारही महत्त्वाची भूमिका बजावतात.
यावेळी, भारतीय जनता पक्षाने नवी दिल्ली मतदारसंघातून प्रवेश वर्मा यांना उमेदवारी दिली आहे, जे दिल्लीचे माजी मुख्यमंत्री साहिब सिंग वर्मा यांचे पुत्र आहेत. प्रवेश वर्मा हे देखील माजी खासदार आहेत. त्याच वेळी, काँग्रेस पक्षाने माजी मुख्यमंत्री शीला दीक्षित यांचे पुत्र संदीप दीक्षित यांना तिकीट देऊन स्पर्धा अतिशय रंजक बनवली होती.
हे वाचलं का?
