MLA Disqualification : “मंत्री केलं नाही म्हणून उद्धव ठाकरे सरकारचा पाठिंबा काढला?”
mla disqualification case maharashtra : राहुल नार्वेकर यांच्यासमोर शिवसेना अपात्रता प्रकरणावर सुनावणी सुरू आहे. भरत गोगावले यांची उलटतपासणी झाली. यात त्यांनी काय उत्तरे दिली… जाणून घ्या.
ADVERTISEMENT
Bharat Gogawale Mla Disqualification latest News : शिवसेना आमदार अपात्रता प्रकरणात दोन्ही गटाच्या काही नेत्यांची उलटतपासणी झाली. सुरुवातीला ठाकरे गटाच्या नेत्यांची चौकशी करण्यात आली. नंतर शिंदे गटाच्या नेत्यांची ठाकरे गटाच्या वकिलांकडून उलटतपासणी करण्यात आली. यात शिंदे गटाचे प्रतोद भरत गोगावले यांचीही उलटतपासणी झाली. मंगळवारी (12 डिसेंबर) झालेल्या उलटतपासणीत गोगावलेंना ठाकरेंचे वकील देवदत्त कामत निर्णायक मुद्दे उपस्थित करत सवाल केले.
शिंदे गटाचे प्रतोद भरत गोगावले यांची उलटतपासणी झाली. यावेळी ठाकरे गटाचे वकिल देवदत्त कामत यांनी काही सवाल केले. यात उद्धव ठाकरे यांच्या सरकारचा पाठिंबा काढण्याचा मुद्दाही अधोरेखित करण्यात आला.
कामतांनी नेमके कोणते प्रश्न विचारले, ते आधी समजून घ्या…
देवदत्त कामत – हा जो 21 जून 2022 चा ठराव होता. त्यानंतर आपली मुख्य प्रतोद म्हणून नियुक्ती करण्यात आली, हे बरोबर आहे का?
भरत गोगावले – हो, बरोबर आहे.
हे वाचलं का?
