शिंदे-भाजप सत्तेचा फॉर्म्युला; उपमुख्यमंत्री पदासह १३ मंत्रीपदं, ‘या’ आमदारांना मिळणार संधी
शिवसेनेविरोधात बंडखोरी केल्यानंतर गुवाहाटीत एकवटलेला एकनाथ शिंदे गटाने भाजपसोबत सरकार स्थापन करण्याच्या हालचाली सुरू केल्याची माहिती समोर आली आहे. एकनाथ शिंदे आणि भाजप यांच्यात सत्ता वाटपाचा फॉर्म्युला ठरल्याचं सांगितलं जात असून, नवं सरकार आल्यानंतर एकनाथ शिंदे हे उपमुख्यमंत्री असणार आहेत. तर शिंदे गटाला १३ मंत्रिपद दिली जाणार असल्याची माहिती समोर आली आहे. महाविकास आघाडीतील मित्रपक्ष […]
ADVERTISEMENT
शिवसेनेविरोधात बंडखोरी केल्यानंतर गुवाहाटीत एकवटलेला एकनाथ शिंदे गटाने भाजपसोबत सरकार स्थापन करण्याच्या हालचाली सुरू केल्याची माहिती समोर आली आहे. एकनाथ शिंदे आणि भाजप यांच्यात सत्ता वाटपाचा फॉर्म्युला ठरल्याचं सांगितलं जात असून, नवं सरकार आल्यानंतर एकनाथ शिंदे हे उपमुख्यमंत्री असणार आहेत. तर शिंदे गटाला १३ मंत्रिपद दिली जाणार असल्याची माहिती समोर आली आहे.
महाविकास आघाडीतील मित्रपक्ष असलेल्या काँग्रेस आणि राष्ट्रवादी काँग्रेसबद्दल उद्धव ठाकरे यांच्याकडे नाराजी व्यक्त करत शिवसेनेतील ३८ आणि समर्थित अपक्ष आमदारांनी बंड केलं आहे. शिवसेनेचे बंडखोर आमदार एकनाथ शिंदे यांच्यासह सध्या गुवाहाटीत असून, तिथे भाजपसोबत सरकार स्थापन करण्याच्या हालचाली सुरू असल्याची माहिती समोर आलीये.
माहितीनुसार भाजपसोबत सत्तेत गेल्यास एकनाथ शिंदे गटाला ८ कॅबिनेट आणि ५ राज्यमंत्रीपदं दिली जाऊ शकतात. तर उर्वरित २९ मंत्री भाजपचे असतील. महत्त्वाचं म्हणजे शिंदे यांच्यासोबत असलेल्या अपक्ष आमदारांना भाजपनं त्यांच्या कोट्यातून मंत्रीपदं द्यावं, अशी एकनाथ शिंदे यांच्या गटाची मागणी आहे.
‘सरकार भाजपचं येईल, बंडखोरांचं नाही’; अमित शाहांचं नाव घेत ‘सामना’तून बंडखोरांना इशारा
हे वाचलं का?
