Haryana Politics : युती तुटली! भाजपच्या खट्टर यांनी दिला मुख्यमंत्रीपदाचा राजीनामा
big reshuffle in the politics of Haryana : हरयाणामध्ये दुष्यंत चौटाला यांनी साथ सोडल्यामुळे भाजपचे सरकार अल्पमतात आले. त्यामुळे मनोहरलाल खट्टर यांनी मुख्यमंत्रीपदाचा राजीनामा दिला.
ADVERTISEMENT
बातम्या हायलाइट
हरयाणात मोठा राजकीय भूकंप
जननायक जनता पार्टीसोबतची युती तुटली
भाजपला सरकार स्थापनेसाठी हवेत ५ आमदार
Manohar Lal Khattar News : लोकसभा निवडणुकीच्या अनुषंगाने भाजपकडून प्रादेशिक पक्षांसोबत घेण्याचे प्रयत्न सुरू असताना हरयाणात झटका बसला आहे. जननायक जनता पार्टी एनडीएतून बाहेर पडली आहे. त्यामुळे मनोहरलाल खट्टर यांनी मुख्यमंत्री पदाचा आणि मंत्रिमंडळाचा राजीनामा राज्यपालांकडे सोपवला आहे.
हरयाणातील भाजप आणि जननायक जनता पक्ष (जेजेपी) यांच्या युती सरकारसाठी मंगळवार हा अत्यंत महत्त्वाचा दिवस ठरला. हरयाणाचे मुख्यमंत्री मनोहर लाल खट्टर यांनी आपल्या पदाचा राजीनामा दिला आहे. त्यांनी आपला राजीनामा राज्यपालांकडे सुपूर्द केला आहे.
हरयाणात राजकीय घडामोडी
याआधी हरयाणा सरकारचे मंत्रिमंडळ आज सामूहिक राजीनामा देऊ शकते, असे म्हटले जात आहे. यानंतर हरयाणा सरकारचे नवे मंत्रिमंडळ स्थापन केले जाऊ शकते. म्हणजे जेजेपीचा पाठिंबा असलेले भाजपचे सरकार कोसळले आहे. नव्याने सरकार स्थापनेचा दावा करणार असल्याची माहिती आहे.
हरयाणातील विधिमंडळ पक्षाची बैठक दुपारी 12 वाजता बोलावण्यात आली आहे. अर्जुन मुंडा आणि तरुण चुघ हे नेते निरीक्षक म्हणून या बैठकीला उपस्थित राहणार आहेत. सोमवारी (११ मार्च) उपमुख्यमंत्री दुष्यंत चौटाला यांनी गृहमंत्री अमित शाह यांची भेट घेतली होती, असे वृत्त आहे. खरंतर जेजेपी लोकसभा निवडणुकीत भाजपकडे 1 ते 2 जागांची मागणी करत होती.
