Karnataka : ‘हे’ 5 फॅक्टर अन् सिद्धरामय्या डीके शिवकुमार यांना ठरले वरचढ
कर्नाटकच्या मुख्यमंत्रीपदाच्या शर्यतीत सिद्धरामय्या यांनी डीके शिवकुमार यांना कशी दिली मात? कोणत्या फॅक्टरमुळे काँग्रेसने मुख्यमंत्रीपदी सिद्धरामय्यांना बसवलं?
ADVERTISEMENT
कर्नाटकच्या मुख्यमंत्रीपदावर कोण बसणार याचा सस्पेंस संपला. सिद्धरामय्या 20 मे रोजी मुख्यमंत्रिपदाची शपथ घेणार आहेत, तर काँग्रेसचे प्रदेशाध्यक्ष डीके शिवकुमार हे उपमुख्यमंत्री म्हणून शपथ घेणार आहेत. मुख्यमंत्री पदाच्या शर्यतीत असलेल्या शिवकुमार यांची नाराजी दूर करण्यासाठी त्यांना महत्त्वाचे खाते देण्याचे आश्वासन काँग्रेस हायकमांडने दिले आहे.
काँग्रेसने दुफळी टाळण्यासाठी कर्नाटक विधानसभा निवडणुकीत मुख्यमंत्रीपदाचा चेहरा जाहीर केला नाही. पक्षाने ही निवडणूक केंद्रीय नेतृत्वाखालीच लढली. मात्र, वेळोवेळी प्रदेशाध्यक्ष डीके शिवकुमार आणि सिद्धरामय्या मुख्यमंत्रीपदासाठी आपला दावा करत राहिले.
हेही वाचा >> संजय पवार यांची राष्ट्रवादीतून हकालपट्टी, ‘ती’ जाहिरातबाजी भोवली
या निवडणुकीत भाजपला सत्तेतून बाहेरचा रस्ता दाखवत काँग्रेसने दणदणीत विजय मिळवला. विजयानंतर दक्षिणेचे प्रवेशद्वार संबोधल्या जाणाऱ्या कर्नाटकात मुख्यमंत्री कोणाला करायचे, हे काँग्रेसपुढे मोठे आव्हान होते. चार दिवस कर्नाटक ते दिल्लीपर्यंत बैठकांच्या अनेक फेऱ्या झाल्या.
सिद्धरामय्या आणि डीके शिवकुमार यांनाही राजधानीत बोलावण्यात आले होते. अखेर या शर्यतीत सिद्धरामय्या पुढे गेले. हायकमांडने त्यांच्याकडे मुख्यमंत्र्यांची खुर्ची सोपवली, त्यामुळे डीके शिवकुमार यांना सिद्धरामय्या यांनी या शर्यतीत कसं मागे टाकलं हेच जाणून घेऊयात…
हे वाचलं का?
