Disha Salian च्या मृत्यूचं रहस्य 5 वर्षांनंतरही कायम, आदित्य ठाकरेंवर 'ते' आरोप अन्...
दिशा सालियान मृत्यू प्रकरणी तिच्या वडिलांनी नव्याने याचिका दाखल करून अत्यंत गंभीर आरोप केले आहेत. त्यामुळे 5 वर्षानंतरही या प्रकरणाचं गूढ कायम आहे.
ADVERTISEMENT
Disha Salian latest News: मुंबई: सेलिब्रिटी मॅनेजर दिशा सालियानच्या मृत्यूला पाच वर्षे उलटली, तरी हे प्रकरण आजही चर्चेत आहे. 8 जून 2020 रोजी मुंबईतील मालाड येथील एका इमारतीच्या 14 व्या मजल्यावरून पडून दिशाचा मृत्यू झाला होता. त्यानंतर अवघ्या सहा दिवसांनी, 14 जून 2020 रोजी, बॉलिवूड अभिनेता सुशांत सिंह राजपूत याचा मृत्यू झालेला. या दोन्ही घटनांनी देशभरात खळबळ उडवून दिली होती. आता, दिशाचे वडील सतीश सालियान यांनी मुंबई उच्च न्यायालयात याचिका दाखल करून या प्रकरणाची नव्याने चौकशी करण्याची मागणी केली आहे. विशेष म्हणजे, या याचिकेत शिवसेना (UBT) पक्षाचे नेते आदित्य ठाकरे यांच्यावर गंभीर आरोप करण्यात आले आहेत.
दिशा सालियान मृत्यू प्रकरणाची पार्श्वभूमी
दिशा सालियान ही सुशांत सिंह राजपूतची माजी मॅनेजर होती. तिचा मृत्यू सुरुवातीला अपघात किंवा आत्महत्या म्हणून नोंदवला गेला होता. मात्र, या घटनेनंतर अवघ्या 5 दिवसात सुशांतचा मृत्यू झाला.यामुळे ही दोन्ही प्रकरणं एकमेकांना जोडली गेली आणि कट-कारस्थानाच्या अनेक शक्यता पुढे आल्या.
हे ही वाचा>> Disha Salian: महाराष्ट्राला हादरवून टाकणारी बातमी, 'दिशावर सामूहिक बलात्कार करून तिची हत्या' वडिलांनी घेतलं थेट आदित्य ठाकरेंचं नाव!
मुंबई पोलिसांनी 2021 मध्ये दिशाच्या मृत्यूची चौकशी बंद केली होती, कारण त्यांना कोणताही संशयास्पद पुरावा आढळला नव्हता. पण या प्रकरणात राजकीय हस्तक्षेप आणि पुरावे नष्ट करण्याचे आरोप वारंवार समोर आले आहेत. डिसेंबर 2023 मध्ये महाराष्ट्र सरकारने विशेष तपास पथक (SIT) स्थापन करून या प्रकरणाची पुन्हा चौकशी सुरू केली होती. तरीही, ठोस निष्कर्ष समोर आले नाहीत.
आदित्य ठाकरेंवर खळबजनक आरोप
दिशाचे वडील सतीश सालियान यांनी 19 मार्च 2025 रोजी मुंबई उच्च न्यायालयात दाखल केलेल्या याचिकेत दावा केला आहे की, दिशाचा मृत्यू हा अपघात किंवा आत्महत्या नव्हता, तर तिच्यावर सामूहिक बलात्कार करून तिची हत्या करण्यात आली. या याचिकेत आदित्य ठाकरे यांचे नाव थेट जोडले गेले असून, त्यांच्यावर या प्रकरणात सहभाग असल्याचा आरोप करण्यात आला आहे.
हे वाचलं का?
