Raj Thackeray: ‘खोके-खोके ओरडत आहेत ना त्यांच्याकडे कंटेनर…’, राज ठाकरेंचं उद्धव ठाकरेंकडे बोट
मनसे अध्यक्ष राज ठाकरे यांनी शिंदे सरकारवर टीका करणाऱ्या ठाकरे गटावर जोरदार हल्ला केला आहे. पनवेलमधील पदाधिकाऱ्यांच्या मेळाव्यात बोलताना राज ठाकरेंनी गंभीर आरोप केले आहेत.
ADVERTISEMENT
Raj Thackeray vs Uddhav Thackeray: पनवेल: ‘जे आज खोके खोके ओरडत आहेत ना त्यांच्याकडे कंटेनर आहेत.’ असे अत्यंत गंभीर आरोप मनसे (MNS) अध्यक्ष राज ठाकरे (Raj Thackeray) यांनी केले आहेत. शिंदे गटातील समर्थक आमदार यांच्यावर ठाकरे गटाकडून सातत्याने खोके सरकार अशी टीका केली जात आहे. मात्र, याच मुद्द्यावरून राज ठाकरेंनी शिवसेना (Shiv Sena UBT) पक्षावर गंभीर आरोप केले आहेत. ते पनवेलमध्ये पक्षाच्या निर्धार मेळाव्यात बोलत होते. (raj thackeray criticized shiv sena ubt uddhav thackeray over 50 khoke and shinde rebellion mlas maharashtra politics update)
‘जे आज खोके खोके ओरडत आहेत ना त्यांच्याकडे कंटेनर आहेत. ह्यांनी कोव्हीड पण नाही सोडला.’ असं म्हणत राज ठाकरे यांनी उद्धव ठाकरे यांचे नाव न घेता त्यांच्यावर अप्रत्यक्षपणे टीका केली आहे.
राज ठाकरेंची घणाघाती टीका, पाहा शिवसेना (UBT)वर काय केले आरोप
▪️ जे आज खोके खोके ओरडत आहेत ना त्यांच्याकडे कंटेनर आहेत. ह्यांनी कोव्हीड पण नाही सोडला. निवडणुकीच्या वेळेस हे पुन्हा बाळासाहेबांच्या नावाने भावनिक करून मतं मागतील आणि आमची भोळीभाबडी जनता त्यांना पुन्हा भुलणार असेल तर ह्याच नरकयातना पुन्हा भोगाव्या लागतील.
▪️ २०२४ ला मुंबई-गोवा महामार्ग पूर्ण होईल असं आता सरकार सांगतंय. चांगलंच आहे, हे व्हायलाच हवं. पण पुढे काय? मुंबई-पुणे रस्ता झाला, आणि पुणे पसरत गेलं. घडलं काय तर पुण्याची पार वाट लागली. पुण्यात मराठी माणूस हा आक्रसत चालला आहे. हेच कोकणात होणार आहे.
हे वाचलं का?
