NCP: ‘शरद पवारांना राजीनामा द्यायचाच नव्हता’, सुप्रिया सुळेंच्या गौप्यस्फोटाने महाराष्ट्रात खळबळ
Supriya Sule vs Chhagan Bhujbal: शरद पवारांना राजीनामा द्यायचाच नव्हता पण अजित पवार गटाचा भाजपसोबत जाण्याचा आग्रह होता. त्यामुळे शरद पवार यांनी नाईलाजाने राजीनामा दिला होता. असा गौप्यस्फोट सुप्रिया सुळे यांनी केला आहे.
ADVERTISEMENT
Supriya Sule: पुणे: ‘पवार साहेबांनी जो राजीनामा दिला तो त्यांना द्यायचाच नव्हता. पण या सगळ्यांचा जो आग्रह होता, भाजप.. भाजप.. तेव्हा पवार साहेब दुखावले गेले आणि त्यांनी तो राजीनामा दिला.’ असा मोठा गौप्यस्फोट राष्ट्रवादी काँग्रेसच्या (शरद पवार गट) नेत्या सुप्रिया सुळे (Supriya Sule) यांनी पुण्यातील पत्रकार परिषदेत बोलताना केला आहे. यामुळे राजकीय वर्तुळात पुन्हा एकदा खळबळ माजली आहे. (sharad pawar did not want to resign but ajit pawar group insisted to go with bjp so sharad pawar reluctantly resigned ncp leader supriya sule secret explosion)
शरद पवार यांनी 2 जुलै 2023 रोजी राष्ट्रवादी काँग्रेसच्या अध्यक्षपदाचा राजीनामा दिला होता. मात्र, हा राजीनामा देण्याची शरद पवार यांची अजिबात इच्छा नव्हती. असा दावा सुप्रिया सुळेंनी केला. यावेळी त्यांनी अजित पवार गटाचे मंत्री छगन भुजबळ (Chhagan Bhujbal) यांना देखील प्रत्युत्तर देत कोंडीत पकडण्याचा प्रयत्ना केला आहे.
हे ही वाचा>> गरब्यात मुस्लिमांना बंदी : ‘…तर PM मोदींची जास्त पंचाईत होईल’, ठाकरेंचा हल्ला
सुप्रियाताईंना अध्यक्ष करायचं आणि सुप्रियाताईंना अध्यक्ष केल्यानंतर मग आपण भाजपसोबत जायचं.. सरकारमध्ये जायचं.. सुप्रिया सुळेंच्या नेतृत्वात सरकारमध्ये जायचं हे ठरलं होतं. म्हणून शरद पवार यांनी राजीनामा दिला होता. असा दावा छगन भुजबळ यांनी टीव्ही 9 या वृत्तवाहिनीशी बोलताना केला होता. ज्याला सुप्रिया सुळेंनी चोख प्रत्युत्तर दिलं आहे.
सुप्रिया सुळेंनी छगन भुजबळांना कोंडीत पकडलं?
‘पवार साहेबांनी जो राजीनामा दिला तो त्यांना द्यायचाच नव्हता. पण या सगळ्यांचा जो आग्रह होता, भाजप.. भाजप.. तेव्हा पवार साहेब दुखावले गेले आणि त्यांनी तो राजीनामा दिला. त्यांना अजिबात इच्छा नव्हती. तुम्हाला ते सगळं नाट्य वाटत असेल पण आमच्यासाठी ते वास्तव होतं. त्यानंतर महाराष्ट्राची जनता त्यांनी पवार साहेबांना विनंती केली की, तुम्हालाच जबाबदारी घ्यावी लागेल.’
हे वाचलं का?
