भावी नगरसेवकांच्या घरपट्टी भरण्यास रांगा, महाराष्ट्रातील 'या' नगरपरिषदेत 8 दिवसात 40 लाखांचा कर जमा

बार्शी नगरपालिकेत 8 दिवसांत 40 लाखांची घरपट्टी जमा 

बार्शी नगरपरिषदेच्या निवडणुकीत उमेदवारी दाखल करण्याच्या पार्श्वभूमीवर अनेक इच्छुकांनी थकबाकीची रक्कम पूर्णपणे जमा केली आहे. कारण उमेदवारांसाठी कर थकबाकी नसणे ही अत्यावश्यक अट असल्याने, निवडणुकीपूर्वी घरपट्टी विभागात वसुलीचा ओघ वाढलेला दिसतो. दरम्यान, महसुली आकडेवारीत वाढ होत असतानाच, शहरात उमेदवारी निश्चितीसाठी नेत्यांकडून अंतिम हिरवा कंदील मिळण्याची प्रतीक्षा उमेदवारांना लागली आहे.

हेही वाचा : महिलेच्या पापण्यांमध्ये 250 जिवंत उवा अन् त्यांनी अंडीही घातली; डॉक्टरांकडून मोठी शस्त्रक्रिया, पण आजार कोणता?

महायुती आणि महायुतीचे नगराध्यक्षपदाचे उमेदवार जाहीर 

बार्शी नगरपालिका ही राज्यातील अ वर्ग नगरपालिकांपैकी एक असून 42 नगरसेवक आणि नगराध्यक्षपदाच्या निवडणुकीसाठी आमदार दिलीप सोपल आणि माजी आमदार राजेंद्र राऊत यांचे गट मैदानात उतरले आहेत. आमदार दिलीप सोपल यांच्या गटाकडून माजी नगराध्यक्ष विश्वास बारबोले यांच्या पत्नी निर्मला बारबोले यांना उमेदवारी देण्यात आली आहे. तर दुसरीकडे राजेंद्र राऊत यांच्या गटाकडून माजी नगरसेवक प्रशांत कथले यांच्या पत्नी तेजस्विनी प्रशांत कथले यांना उमेदवारी जाहीर करण्यात आलेली आहे. दोन्ही उमेदवारांना राजकीय पार्श्वभूमी असल्याचं बोललं जात.