Vidhan Parishad Election : ठाकरेंचे दोन उमेदवार ठरले! शिवसेनेकडून (UBT) नावे जाहीर

मुंबई पदवीधर मतदारसंघ, मुंबई शिक्षक मतदारसंघ, कोकण पदवीधर मतदारसंघ आणि नाशिक शिक्षक मतदारसंघ या चार मतदारसंघात निवडणूक होत आहे. निवडणूक आयोगाकडून कार्यक्रम जाहीर करण्यात आला असून, २६ जून रोजी मतदान होणार असून, निकाल म्हणजे मतमोजणी १ जुलै २०२४ रोजी केली जाणार आहे. 

अनिल परब, ज.मो. अभ्यंकर यांना उमेदवारी

विधान परिषदेच्या चार जागांसाठी निवडणूक होत असून, दोन जागांसाठी उद्धव ठाकरे यांच्या शिवसेनेने उमेदवारांच्या नावाची घोषणा केली आहे. अनिल परब यांना मुंबई पदवीधर मतदारसंघातून उमेदवारी देण्यात आली आहे.

हेही वाचा >> "...तर भाजपला फायदा झाला असता", नेमका मुद्दा काय? 

शिवसेनेच्या शिक्षक सेनेचे प्रांताध्यक्ष ज.मो. अभ्यंकर यांना मुंबई शिक्षक मतदारसंघातून उमेदवारी देण्यात आली आहे. शिवसेनेच्या मध्यवर्ती कार्यालयाकडून उमेदवारांच्या नावांची घोषणा करणारे प्रसिद्धी पत्रक जारी करण्यात आले आहे.