Vidhan Parishad Election : आमदार फुटणार? विधानसभेआधी पुन्हा राजकीय भूकंप?
Vidhan Parishad Election 2024 : महाराष्ट्र विधान परिषदेच्या 11 रिक्त जागांसाठी निवडणूक होत आहे. मतदान झाले तर आमदार फुटून राज्यात राजकीय भूकंप होऊ शकतो.
ADVERTISEMENT
बातम्या हायलाइट
विधान परिषद निवडणूक २०२४
विधान परिषदेच्या ११ जागांसाठी मतदान
महाविकास आघाडीने तीन उमेदवार उतरवले रिंगणात
Vidhan Parishad Election Maharashtra : विधान परिषदेच्या 11 जागा रिक्त होत असून, त्यासाठी निवडणूक होत आहे. महायुतीतील तिन्ही पक्षांनी आपापल्या संख्याबळानुसार उमेदवार जाहीर केले आहेत. महाविकास आघाडीकडून दोन उमेदवारांची नावे आतापर्यंत समोर आली आहे. मात्र, तिसरा उमदेवार महाविकास आघाडी उतरवण्याच्या तयारीत असल्याचे समजते, त्यामुळे निवडणूक होईल. निवडणुकीत तिसरा उमेदवार उतरवल्यास मविआला मतांची जुळवा जुळव करावी लागणार आहे. यात महायुतीचे आमदार क्रॉस व्होटिंगचा धोका आहे. त्यामुळे कुणाची किती ताकद आहे आणि किती गरज आहे, हेच समजून घ्या. (Maharashtra Vidhan Parishad Election Votes quota)
MLC Election : कोणत्या आमदारांचा कार्यकाळ होतोय पूर्ण
महायुती आणि महाविकास आघाडीच्या खालील आमदारांचा कार्यकाळ पूर्ण होत आहे. त्यामुळे ही निवडणूक होत आहे.
विधानसभेतील संख्याबळ, निवडून येण्यासाठी किती मतांचा कोटा?
महाराष्ट्र विधानसभेची सदस्यसंख्या 288 आहे. पण, काही आमदारांचे निधन झाले आहे. तर, काही खासदार झाले आहेत. त्यामुळे त्यांनी राजीनामा दिल्याने विधानसभेत 274 आमदार आहेत. त्यामुळे विधान परिषद निवडणुकीत मतांचा कोटाही कमी झाला आहे. म्हणजे प्रत्येक उमेदवाराला निवडून येण्यासाठी 23 मते आवश्यक आहे. ज्या उमेदवाराला ती मिळणार नाही, तो पराभूत होईल.
Maha Vikas Aghadi vs Mahayuti : कोणत्या पक्षाचे विधानसभेत किती आमदार?
विधानसभेतील एकूण सदस्यसंख्या 288 असली, तरी सध्या 274 सदस्य आहेत. यात महाविकास आघाडी आणि महायुतीमधील पक्षांचे किती आमदार आहेत पहा...
जिंकण्यासाठी 23 मतांचा कोटा
विधान परिषद निवडणुकीत पुन्हा एकदा क्रॉस व्होटिंग होऊ शकते. मागच्या वेळी झालेल्या विधान परिषद निवडणुकीत महाविकास आघाडीची मते फुटली होती. काही आमदारांनी क्रॉस व्होटिंग केल्याने काँग्रेसचे चंद्रकांत हंडोरे पराभूत झाले होते. राज्यसभा निवडणुकीतही त्यावेळी शिवसेनेचे संजय पवार पराभूत झाले होते.
हेही वाचा >> शिंदेंचे उमेदवार ठरले! 'हे' दोन नेते आमदार होणार
यावेळी महायुतीच्या आमदारांकडून क्रॉस व्होटिंग होण्याची जास्त शक्यता व्यक्त केली जात आहे. सध्या महाविकास आघाडीकडे तीन उमेदवार निवडून आणण्यासाठी पुरेसे संख्याबळ नाहीये. त्यामुळे तिसरा उमेदवार निवडून आणण्यासाठी महाविकास आघाडीची रणनीती काय असणार, हे याकडे सगळ्यांचे लक्ष आहे.
हेही वाचा >> कोकण कोणाचं?, राणेंना ठाकरेंचं तगडं आव्हान
तीन उमेदवार कसे निवडून येणार याबद्दल बोलताना शेतकरी कामगार पक्षाचे नेते जयंत पाटील म्हणाले की, "जी काही ताकद विधान परिषदेसाठी लागणार आहे, त्या आमदारांची ताकद महाविकास आघाडीकडे आहे. मला शरद पवारांनी शब्द दिला होता,आता उर्वरित मतेही मला इंडिया आघाडीची मिळतील."
हेही वाचा >> निकाल लागला! भाजपला दोन ठिकाणी झटका, ठाकरेंचा एक उमदेवार पराभूत
लोकसभा निवडणुकीचे निकाल महायुतीसाठी धक्का देणारे राहिले. त्यात विधानसभा निवडणुकीचे वेध आमदारांना लागले आहेत. अजित पवार आणि एकनाथ शिंदे यांच्यासोबत गेलेले काही आमदार हे निवडणुकीच्या निकालानंतर शरद पवार आणि उद्धव ठाकरे यांच्या पक्षात येण्याच्या प्रयत्नात असल्याची चर्चा आहे.
जे आमदार परतीच्या प्रयत्नात आहेत, त्यांची भूमिका विधान परिषद निवडणुकीत महत्त्वाची असणार आहे. महत्त्वाचे म्हणजे उद्धव ठाकरे यांनी सत्ताधारी पक्षातील प्रमुख नेत्यांशी चांगला सुसंवाद असलेल्या राहुल नार्वेकर यांना उमेदवारी दिली आहे. त्यामुळे या निवडणुकीत कुणाला झटका बसणार, हे निकालातून समोर येईल.
हे वाचलं का?
