Lok Sabha 2024 : ठाकरेंची लोकसभेसाठी रणनीती! 10 शिलेदार उतरवले मैदानात
संजय राऊत, अनंत गीते, चंद्रकांत खैरे, अरविंद सावंत, अनिल देसाई, भास्कर जाधव, विनायक राऊत, राजन विचारे, रवींद्र वायकर, सुनील प्रभू यांच्यावर उद्धव ठाकरेंनी सोपवली महत्त्वाची जबाबदारी.
ADVERTISEMENT
Maharashtra Politics, Uddhav Thackeray : उद्धव ठाकरेंनी अवघ्या काही महिन्यांवर आलेल्या लोकसभा आणि त्यापाठोपाठ होणाऱ्या विधानसभा निवडणुकीवर लक्ष्य केंद्रीत केल्याचं दिसत आहे. राज्यातील सर्वच लोकसभा आणि विधानसभा मतदारसंघात मोर्चेबांधणी करण्यासाठी ठाकरेंनी एक महत्त्वाचा निर्णय घेतला असून, 10 नेत्यांवर मोठी जबाबदारी टाकली आहे. निवडणुकांच्या पार्श्वभूमीवर शिवसेना ठाकरे गटाच्या संघटनात्मक बांधणीसाठी आता नवी रचना करण्यात आली आहे. पक्षाला बळकट करण्यासाठी शिवसेनेने (उद्धव बाळासाहेब ठाकरे) विभागीय नेते जाहीर करण्यात केले आहेत. या नेत्यांच्या माध्यमातून ठाकरे महाराष्ट्र पिंजून काढणार आहे.
उद्धव ठाकरे यांच्या नेतृत्वाखाली शिवसेनेकडून गेल्या काही दिवसांपासून कार्यकर्त्यांना राजकीय कार्यक्रम दिले जात आहे. आता लोकसभा निवडणुकीच्या अनुषंगाने 10 नेत्यांवर मोठी जबाबदारी टाकली आहे. याच स्ट्रॅटजीचा भाग म्हणून जानेवारीत शिवसेना ठाकरे गटाकडून राज्यव्यापी शिबीर आयोजित केले जाणार आहे.
लोकसभा निवडणुकीच्या पार्श्वभूमीवर जानेवारीपासून उद्धव ठाकरे महाराष्ट्राचा दौरा करणार आहेत. या दौऱ्यात ठाकरेंच्या सभा होणार असून, त्यांचे नियोजन लवकर जाहीर केले जाणार आहे. महाराष्ट्रातील संघटनात्मक बांधणीवर भर देण्यासाठी शिवसेनेने (उद्धव बाळासाहेब ठाकरे) रविवारी (26 नोव्हेंबर) विभागीय नेत्यांची यादी जाहीर केली.
दहा नेत्यांवर ठाकरेंनी सोपवली विशेष जबाबदारी
शिवसेना (उद्धव बाळासाहेब ठाकरे) पक्षप्रमुख उद्धव ठाकरेंनी ‘नेते’ मंडळात वाढ करून नेत्यांची संख्या वाढवली आहे. आता नेत्यांवर विभागवार बांधणीची जबाबदारी टाकून निवडणुकांच्या तयारीसाठी पुढचे पाऊल टाकलं आहे.
हे वाचलं का?
