Ramdas Athawale News :
बीड : राष्ट्रवादी काँग्रेसचे (NCP) अध्यक्ष शरद पवार (Sharad Pawar) यांनी नागालँडमध्ये (Nagaland) जसा पाठिंबा दिला तसा केंद्रात पंतप्रधान मोदी (Modi Government) यांच्या सरकारलाही पाठिंबा द्यावा. आपल्यासारखा अनुभवी नेता आमच्या सोबत असला पाहिजे, त्यामुळे पवार यांनी महाविकास आघाडी सरकारमधून बाहेर पडावं आणि एनडीएमध्ये यावं अशी खुली ऑफर केंद्रीय मंत्री रामदास आठवले (Ramdas Athawale) यांनी पवारांना खुली दिली. (RPI(A) Chief Ramdas Athawale offer to NCP chief sharad pawar to support
धाराशिव जिल्हा दौऱ्यावर जाताना आठवले यांचं बीडमध्ये कार्यकर्त्यांनी स्वागत केलं. यावेळी ते बोलत होते. दरम्यान, यावेळी आरपीआयच्या कार्यकर्त्यांनी त्यांचं जंगी स्वागत केलंय. ५० फुटांचा हार, जेसीबी वरून फुलांची उधळण, फटाक्यांची आतिषबाजी असं अत्यंत उत्साही वातावरणात आठवलेंचं स्वागत करण्यात आलं. यावेळी जिल्ह्यातील संघटनेच्या कामाचा आढावाही त्यांनी घेतला.
आठवले पुढे म्हणाले, प्रकाश आंबेडकर यांनी उद्धव ठाकरे यांच्या शिवसेनेबरोबर युती केली असली तरी ती किती टिकेल हे सांगता येत नाही. प्रकाश आंबेडकर हे ठाकरेंसोबत गेले असले तरीही ते महाविकास आघाडी सरकारमध्ये गेलेले नाहीत. त्यामुळे ते कुठेही गेले तरी आम्हाला काही फरक पडत नाही, असा टोलाही त्यांनी लगावला.
Ramdas Athawale यांचा ईशान्येत करिश्मा; नागालँडमध्ये RPI(A) दोन जागांवर विजयी
नागालँडमध्ये पवारांचा एनडीपीपी-भाजप सरकारला पाठिंबा :
नागालँडमध्ये एनडीपीपी-भाजप (BJP) युतीला स्पष्ट बहुमत मिळालं आहे. यात एनडीपीपीने २५ जागा जिंकल्या आहेत. तर भाजपने १२ जागांसह दुसऱ्या क्रमांकावर स्थान मिळवलं आहे. सोबत राष्ट्रवादी काँग्रेससह जनता दल युनाटेड आणि इतर पक्षांनीही एनडीपीपी-भाजप आघाडीला बिनशर्त पाठिंबा जाहीर केला आहे. नागालँडमध्ये राष्ट्रवादीने ७ जागा जिंकल्या आहेत.
विधानसभेतील राडा ते पवारांचा BJP ला पाठिंबा; महाराष्ट्राच्या राजकारणातील ५ मोठ्या बातम्या
आठवलेंचाही भाजपला पाठिंबा :
नागालँडमध्ये केंद्रीय मंत्री रामदास आठवले यांच्या रिपब्लिकन पार्टी ऑफ इंडिया पक्षानेही झेंडा फडकवला आहे. इतिहासात पहिल्यांदाच आठवले यांच्या पक्षाने नागालँडमध्ये २ जागांवर विजय मिळविला आहे. नागालॅंडमध्ये RPI (A) च्या तिकिटावर Y. लिमा ओनेन चँग (Y. Lima Onen Chang) यांनी नागालँडमधील नोक्सेन (Noksen) जागेवरुन विजय मिळविला आहे. तर इम्तिचोबा (Imtichoba) यांनी तुएनसांग सदर-II (Tuensang Sadar-II seat) ही जागा जिंकली आहे. दरम्यान, या निकालानंतर आता आठवले यांनी भाजपला पाठिंबा जाहीर केला असून एका मंत्रिपदाचीही मागणी केली आहे.
