Lok Sabha Election 2024: महाविकास आघाडीला एकही जागा देऊ नका: पंतप्रधान मोदी
PM Modi Ramtek: महाराष्ट्रात महाविकास आघाडीच्या एकाही उमेदवाराला निवडून देऊ नका असं विधान पंतप्रधान नरेंद्र मोदींनी रामटेक येथील जाहीर सभेत केलं आहे.
ADVERTISEMENT
रामटेक (महाराष्ट्र): लोकसभा निवडणूक 2024 साठी पंतप्रधान नरेंद्र मोदी यांनी आज (10 एप्रिल) नागपूर जिल्ह्यातील रामटेक येथे जाहीर सभेला संबोधित केले. यावेळी त्यांनी इंडिया आघाडीवर घणाघाती हल्ला चढवत डॉ. बाबासाहेब आंबेडकरांना काँग्रेसने भारतरत्न पुरस्कारापासून दूर ठेवले. असं म्हणत यावेळी महाराष्ट्रातील इंडिया आघाडीला एकही जागा देऊ नका, असं पंतप्रधान मोदी यावेळी म्हणाले. (lok sabha election 2024 maha vikas aghadi should not elect only one candidate from maharashtra says prime minister modi)
पाहा रामटेकच्या सभेत पंतप्रधान मोदी काय म्हणाले..
पंतप्रधान नरेंद्र मोदी म्हणाले, 'तुमचा हा उत्साह संदेश देत आहे की, पुन्हा एकदा मोदी सरकार... तुम्हाला फक्त एकच खासदार निवडून आणण्याची गरज नाही, पुढची एक हजार वर्षे भारताचा पाया मजबूत करण्यासाठी तुम्हाला मतदान करायचे आहे. तुम्हाला विकसित भारताच्या संकल्पासाठी मतदान करावे लागेल...'
'आजकाल निवडणुकांबाबत सातत्याने सर्वेक्षणे दाखवणारी माध्यमे या सर्वेक्षणात एनडीएचा बंपर विजय दाखवत आहेत... जेव्हा मोदींवर टीका होते तेव्हा समजून जा की, पुन्हा एकदा मोदी सरकार...'
'सबका साथ, सबका विकास' हा आमचा मंत्र संविधानाचा खरा आत्मा आहे, पण घराणेशाही पक्षांनी नेहमीच संविधानाच्या या भावनेचा अपमान केला आहे.' असे पंतप्रधान मोदी म्हणाले.
हे वाचलं का?
