Ajit Pawar meets Sharad Pawar : बंडानंतर पुतण्यासोबत चार भेटी, पवारांच्या मनात काय?
शरद पवार अजित पवार यांची गुप्त भेट : पुण्यातील या भेटीनंतर आता महाराष्ट्राच्या राजकारणात अस्वस्थता निर्माण झाली आहे. शरद पवारांच्या मनात काय चाललंय असा प्रश्न उपस्थित होत आहे.
ADVERTISEMENT
Sharad Pawar Ajit Pawar meets : एकीकडे बिगर भाजप पक्ष ‘इंडिया’ आघाडीत एकत्र येत आहेत. दुसरीकडे मात्र या आघाडीतील सर्वात ज्येष्ठ नेते असलेले शरद पवारांच्या भूमिकेमुळे संभ्रम वाढला आहे. गेल्या महिन्यातच राष्ट्रवादी काँग्रेसमध्ये बंड झाले. याचे वेगवेगळे अर्थ काढले जात असताना शरद पवार आणि अजित पवार यांच्यातील विशिष्ट काळानंतर होत असलेल्या भेटी, राजकीय अस्वस्थता वाढवू लागल्या आहेत. त्यातून पवार काका-पुतण्यांच्या इतक्या भेटी का होताहेत, असा प्रश्न ऐरणीवर आला आहे. 12 ऑगस्ट रोजी शरद पवार आणि पुतणे अजित पवार यांची एका व्यावसायिकाच्या घरी गुप्त बैठक झाल्यानंतर हा प्रश्न अधिक ठळकपणे उपस्थित होऊ लागला आहे. राष्ट्रवादीतील बंडानंतर 43 दिवसांत शरद पवार-अजित पवारांची ही चौथी भेट आहे, त्यामुळे महाराष्ट्रातील राजकारण या मुद्द्याभोवती फिरू लागलं आहे. (what is going on in Sharad Pawar’s mind)
त्याचे झाले असे की, शनिवारी (12 ऑगस्ट) उद्योजक अतुल चोरडिया यांच्या घरी शरद पवार आणि अजित पवार यांच्यात गुप्त बैठक झाली. शनिवारी पुण्यात त्यांच्या ‘गुप्त’ भेटीबाबत विचारले असता शरद पवार म्हणाले की, ते माझे पुतणे आहेत, हे मी तुम्हाला एक सत्य सांगू इच्छितो. माझ्या पुतण्याला भेटायला काय हरकत आहे? कुटुंबातील कोणत्याही ज्येष्ठ व्यक्तीला कुटुंबातील इतर सदस्यांना भेटायचे असेल तर त्यात कोणतीही अडचण नसावी. मात्र, त्यात आणखी एका गोष्टीची भर घालून त्यांनीच नव्या शक्यतांना हवा दिली. काही हितचिंतक त्यांचे मन वळवण्याचा प्रयत्न करत असले, तरी त्यांचा पक्ष भाजपसोबत जाणार नाही, असे राष्ट्रवादीचे अध्यक्ष म्हणाले. त्यांच्या या वक्तव्याने विरोधी पक्षांच्या एकजुटीत पुन्हा एकदा खळबळ उडाली आहे.
राष्ट्रवादी भाजपसोबत जाणार नाही : शरद पवार
रविवारी (13 ऑगस्ट) महाराष्ट्रातील सोलापूर जिल्ह्यातील सांगोला येथे पवार म्हणाले की, भाजपसोबत कोणत्याही प्रकारची युती राष्ट्रवादीच्या धोरणात बसत नाही. राष्ट्रवादी काँग्रेसचा राष्ट्रीय अध्यक्ष या नात्याने माझा पक्ष (राष्ट्रवादी) भाजपसोबत जाणार नसल्याचे मी स्पष्ट करत असल्याचे पवार म्हणाले. पवार म्हणाले की, आमच्यापैकी काहींनी (अजित पवार यांच्या नेतृत्वाखालील राष्ट्रवादी गटाने) वेगळी भूमिका घेतली आहे. आता आमचे काही हितचिंतक आमच्या भूमिकेत काही बदल करता येईल का, यासाठी प्रयत्न करत आहेत. त्यामुळेच ते सौहार्दपूर्ण चर्चा करण्याचा प्रयत्न करत आहेत.
जुलैमध्येही शरद-अजित यांच्या झाल्या भेटी
शरद पवार आणि अजित पवार यांची भेट होण्याची ही काही पहिलीच वेळ नाही. यापूर्वी वाय.बी.चव्हाण केंद्रात या दोघांची भेट झाली होती. जुलैच्या मध्यात (15 ते 18 जुलै दरम्यान) दोघांमध्ये तीन बैठका झाल्या. अजित पवार बंडानंतर सलग तीन वेळा शरद पवारांना भेटले.
हे वाचलं का?
