राज्यसभा निवडणुकीच्या तोंडावर एकनाथ शिंदेंमुळे हितेंद्र ठाकूर शिवसेनेपासून दूर जाणार?

काय म्हणाले हितेंद्र ठाकूर?

“मी बेधडक बोलणारा आणि वागणारा माणूस आहे. माझ्या ओठात एक पोटात एक काही नसतं. काही खात्यांमार्फत काही मंत्री न्याय देतात. मी कुणाचं नाव घेत नाही पण काही खात्यांमार्फत मला चांगली मदत झाली पण काहींकडून झाली नाही. १०० टक्के मी नाखुश आहे का? तर तसं मुळीच नाही पण १०० टक्के खुश आहे का ? तर त्याचंही उत्तर नाही हेच आहे.”

”ग्लास अर्धा भरलेला की ग्लास रिकामा हे तत्वज्ञान मलाही कळतं. मी अर्ध्या भरलेल्या ग्लासकडेही अर्धा भरलेला ग्लास म्हणूनच पाहतो. मी नेहमी रिकामं बघत नाही. मात्र काही खात्यांनी ग्लास अर्धाच केला असेल तर आम्ही गप्प बसू शकत नाही. जे आमचं होतं ते काढण्याचाही प्रय़त्न केला गेला. ”