SA vs IND: ‘सामना जिंकायचा असेल तर दुसरा मार्ग शोधा’, थर्ड अंपायरच्या ‘त्या’ निर्णयावर वादंग

रविचंद्रन आश्विनच्या बॉलिंगवर डीन एल्गर खेळत असताना त्याचा स्टम्पसमोर येऊन बॉल पॅडवर लाडला. भारतीय खेळाडूंनी केलेलं अपिल मैदानावरील पंचांनी उचलूनही धरलं. परंतू DRS मध्ये हा बॉल स्टम्पच्या वरुन जाताना दिसत होता. हे पाहिल्यानंतर कॉमेंट्री पॅनलसह सर्वांनीच आश्चर्य व्यक्त केलं. इतकच नव्हे तर खुद्द मैदानावरील अंपायरही या निर्णयामुळे आश्चर्यचकीत झालेले पहायला मिळाले.

Dean Elgar survives ?

Initially given out, he reviewed it, and the decision was overturned. Big moment in the match and the series?

? Stream #SAvIND live: https://t.co/0BMWdennut pic.twitter.com/6EJmtd0Qy3

— SuperSport ? (@SuperSportTV) January 13, 2022

परंतू थर्ड अंपायरचा हा निर्णय भारतीय खेळाडूंना काही पटला नाही. रविचंद्रन आश्विनने मैदानावर लावण्यात आलेल्या स्टम्प माईककडे जात, सामना जिंकायचा असेल तर तुम्हाला दुसरा कोणतातरी मार्ग शोधावा लागेल सुपरस्पोर्ट्स असं बोलून दाखवत आपली नाराजी व्यक्त केली. दक्षिण आफ्रिकेत सामन्याचं प्रक्षेपण सुपरस्पोर्ट्स वाहिनीवर होत असून यात DRS ची यंत्रणाही याच वाहिनीची आहे.

The bounce of the pitch – a significant factor in Dean Elgar's successful review.#SAvIND pic.twitter.com/GI2rXjgjwd

— SuperSport ? (@SuperSportTV) January 13, 2022

विराट कोहलीनेही स्टम्प माईकसमोर येऊन Well Done DRS, Well Done असं म्हणत आपली नाराजी बोलून दाखवली. या प्रकरणानंतर भारतीय संघाचं सामन्यावरचं नियंत्रण सुटलं. त्याआधी दक्षिण आफ्रिकेच्या धावगतीवर वेसण घालण्यात यश मिळवलेल्या भारतीय गोलंदाजांनी DRS नाट्यानंतर धावा गमवायला सुरुवात केली. ज्याचा फायदा घेत आफ्रिकेने शतकी धावसंख्येचा टप्पा ओलांडला. त्यामुळे चौथ्या दिवशी हा सामना जिंकण्यासाठी भारतीय संघाला प्रयत्नांची पराकाष्टा करावी लागणार आहे.

SA vs IND : टीम इंडियाचा पाय खोलात, दक्षिण आफ्रिका सामन्यात वरचढ