World Cup 2023 Final: मैदानात घुसला, कोहलीला मारली मिठी; तो पॅलेस्टाईन समर्थक कोण?
पॅलेस्टाईनचा ध्वज असलेला मास्क घालून एक समर्थक भारत ऑस्ट्रेलिया सामन्यात घुसला होता. हा समर्थक ऑस्ट्रेलियाचा नागरिक असल्याचे आता समोर आले असून, त्याचे नावही पोलिसांनी सांगितले.
ADVERTISEMENT
Palestine Fans in World Cup 2023 Final: एकदिवसीय क्रिकेट विश्वचषक 2023 स्पर्धेचा अंतिम सामना रविवारी (19 नोव्हेंबर) खेळला गेला, अहमदाबादच्या नरेंद्र मोदी स्टेडियमवर झालेल्या या सामन्यात सुरक्षा रक्षकांना चकमा देत एक पॅलेस्टाईन समर्थक मैदानात घुसला. या पॅलेस्टाईन समर्थकाने विराट कोहलीच्या जवळ जाऊन त्याला पकडले. त्यामुळे मैदानात मोठा गोंधळ उडाला.
कोहलीला भेटण्यासाठी तरुण घुसला स्टेडियममध्ये
त्या तरुणाने पॅलेस्टाईनचा ध्वज असलेला मास्कही घातला होता. भारताची फलंदाजी सुरू असताना डावाच्या 14व्या षटकातील तिसऱ्या चेंडूनंतर ही घटना घडली. या घटनेनंतर लगेचच सुरक्षा कर्मचाऱ्यांनी येऊन त्या पॅलेस्टाईन समर्थकाला पकडून बाहेर नेले. यावेळी तरुणाच्या हाताला दुखापत झाली. सध्या त्या तरुणाला पकडून गुजरातमधील चांदखेडा पोलीस ठाण्यात नेण्यात आले.
हे ही वाचा >> मॅक्सवेलने कोहलीला मारला चेंडू, नंतर विराटने…; व्हिडिओ झाला व्हायरल
आता त्या तरुणाची संपूर्ण माहितीही समोर आली आहे. त्याचे नाव वेन जॉन्सन आहे. तो ऑस्ट्रेलियन नागरिक असल्याचे त्याने सांगितले. त्याच्या पासपोर्टवरूनही हे उघड झाले आहे. त्याचे वय अवघे 24 वर्षे आहे. सुरक्षा नियम तोडणारा तरुण म्हणाला, ‘माझे नाव जॉन्सन आहे. मी ऑस्ट्रेलियन नागरिक आहे. विराट कोहलीला भेटण्यासाठी मी स्टेडियममध्ये प्रवेश केला होता. मी पॅलेस्टाईनचे समर्थन करतो.”
आधी भारतीय संघाची जर्सी, नंतर…
सूत्रांनी सांगितले की, आरोपी वेन जॉन्सन हा अंतिम सामना पाहण्यासाठी भारतीय संघाची जर्सी घालून स्टेडियममध्ये दाखल झाला होता. म्हणजेच तो टीम इंडियाला सपोर्ट करण्यासाठी आला आहे, हे त्याला सांगायचे होते. मात्र, नंतर तो स्टँडमध्येच ही जर्सी बदलून पॅलेस्टाईनला सपोर्ट करणारा टी-शर्ट घालून मैदानात उतरला. यावेळी त्याने कोहलीचा झेलही घेतला होता.
हे वाचलं का?
