Mumbai Weather Today: मुंबईसह ठाणे आणि आजूबाजूच्या जिल्ह्यासाठी भारतीय हवामान खात्याचा येलो अलर्ट जारी, आजचं हवामान घ्या जाणून

हवामान अंदाज

मुंबई - 13 ऑगस्ट रोजी मुंबईत ढगाळ वातावरण राहण्याची शक्यता आहे. हलक्या ते मध्यम पावसाच्या सरी पडण्याची शक्यता असून, काही ठिकाणी दुपारनंतर किंवा संध्याकाळी मुसळधार पाऊस होण्याची शक्यता आहे. कमाल तापमान 29 ते 31°सेल्सिअस आणि किमान तापमान 24 ते 26°सेल्सिअस दरम्यान राहू शकते. आर्द्रता 75% ते 85% पर्यंत राहील. तर गडगडाटासह विजांचा कडकडाट होण्याची शक्यता आहे.

हे ही वाचा>> मुंबईतील सुंदर महिलेचा तो कारनामा अन् एक्स बॉयफ्रेंडला... शरीरसंबंध की भलतंच काही...

ठाणे - ठाणे परिसरात देखील ढगाळ वातावरण आणि हलक्या ते मध्यम पावसाची शक्यता आहे. काही भागात जोरदार सरींचा इशारा आहे, विशेषतः संध्याकाळी त्यामुळे सखल भागात पाणी साचण्याची शक्यता असल्याने सावधगिरी बाळगावी.

नवी मुंबई - नवी मुंबईत सकाळपासून हलक्या पावसाची सुरुवात होऊ शकते, जे दुपारी मध्यम ते जोरदार पावसात रूपांतरित होण्याची शक्यता आहे.

पालघर-  पालघर जिल्ह्यात, विशेषतः किनारी आणि ग्रामीण भागात, हलक्या ते मध्यम पावसाची शक्यता आहे. संध्याकाळी पावसाचा जोर वाढण्याची शक्यता असून किनारी भागात बरंच पाणी साचण्याचा धोका जास्त आहे.

हे ही वाचा>> मुंबईतील गोरेगावात पत्नीनं बॉयफ्रेंडच्या मदतीने पतीचा केला खून, अखेर लेकीनंच केला 'असा' भांडाफोड

हवामान खात्याने मुंबई, ठाणे, पालघर, रायगड, रत्नागिरी आणि सिंधुदुर्ग या सगळ्या जिल्ह्यांसाठी येलो अलर्ट जारी केला आहे. त्यामुळे या सगळ्या जिल्ह्यांमध्ये वादळी वाऱ्यांसह मुसळधार पावसाची शक्यता वर्तविण्यात आली आहे.

विशेष सूचना

• सुरक्षा उपाय- पावसामुळे रस्त्यांवर पाणी साचण्याची आणि वाहतूक बाधित होण्याची शक्यता आहे. नागरिकांनी आवश्यक नसल्यास घराबाहेर पडू नये आणि नाल्यांच्या काठावरून प्रवास टाळावा.
• वाहतूक- स्थानिक प्रशासनाने रस्ते आणि रेल्वे वाहतूकावर लक्ष ठेवले असून, पाणी साचल्यास वाहतूक कोंडी होऊ शकते. 
• आपत्कालीन संपर्क- कोणत्याही आपत्तीच्या परिस्थितीत मुंबई महापालिकेच्या 24/7 आपत्कालीन नियंत्रण कक्षाशी (हेल्पलाइन क्रमांक 1916) संपर्क साधावा.

पुढील काही दिवसांसाठीचा हवामान अंदाज:

बंगालच्या उपसागरातील कमी दाबाचे क्षेत्र (LPA) पश्चिमेकडे सरकत असल्याने 13 ऑगस्टनंतरही पावसाचा जोर कायम राहण्याची शक्यता आहे. येत्या काही दिवसांत मुंबई आणि MMRDA परिसरात जोरदार पावसाची शक्यता वर्तवण्यात आली आहे, ज्यामुळे सतर्कता बाळगणे आवश्यक आहे.