मुंबई: गोरेगावात बॉयफ्रेंडच्या मदतीने पत्नीनं पतीचा काढला काटा, पण लेकीनं बापाला दिला न्याय... आईचं घाणेरडं कृत्य आणलं जगासमोर

हे ही वाचा : "तुला स्वयंपाक येत नाही चल घरून 20 लाख घेऊन ये..." पुण्यात हुंड्यासाठी छळ अन् अखेर पीडितेनं...

नेमकं काय घडलं? 

पोलिसांनुसार, मुंबईतील गोरेगावच्या आरे कॉलनीत राहणाऱ्या राजश्री अहिरे (वय 35) पती भरत लक्ष्मण अहिरेसोबत बऱ्याच काळापासून वाद निर्माण झाला होता. राजश्री अहिरेचं चंद्रशेखर नावाच्या एका तरुणाशी प्रेमसंबंध होते. राजश्रीने आपला बॉयफ्रेंड चंद्रशेखरला हाताशी धरून संपवण्याचा कट रचला.

15 जुलै रोजी रात्रीच्या सुमारास चंद्रशेखरने महिलेचा पती भरतला गोरेगांव पूर्वेकडील भागात बोलावले. दोघांनीही एका आरोपीच्या मदतीने भरतला मारहाण केली. त्यानंतर पत्नीने पतीला एका रुग्णालयात नेण्याऐवजी घरी नेलं. भरतची प्रकृती दिवसेंदिवस बिघडू लागली, पत्नीने त्याला कसलीही मेडिकल मदत दिली नाही. अंतिम क्षणी भरतचा मृत्यू झाला.

राजश्रीच्या दाव्यावर पोलिसांकडून शंका उपस्थित

मुंबई पोलिसांनी दिलेल्या माहितीनुसार, महिलेनं केलेलं कृत्य तिच्या दोन मुली आणि 3 वर्षाच्या मुलाने पाहिली. त्यांनी वडिलांच्या स्थितीबाबत नातेवाईकांना सांगितलं. नातेवाईक तिथे पोहोचले असता तेव्हा राजश्रीने दावा केला की भरत दुचाकी अपघातात गंभीर जखमी झाला. दरम्यान, पोलिसांनी राजश्रीने केलेल्या दाव्यावर शंका उपस्थित केली आहे.