अनैतिक संबंधांमुळे वाद

पोलिसांच्या प्राथमिक तपासात या हत्येमागील धक्कादायक कारण समोर आले आहे. मृत निदा आणि आरोपी रिमशाचा पती उवैश यांच्यात गेल्या काही काळापासून जवळचे संबंध होते. या अनैतिक संबंधांमुळे त्यांच्या कुटुंबात सातत्याने वाद होत असत. नणंद रिमशाला या संबंधांची माहिती मिळाल्यापासून ती निदावर प्रचंड संतप्त होती. याच वादाचा राग मनात धरून रविवारी, 12 जुलै रोजी रिमशाने निदावर स्वयंपाकघरातील भाजी कापण्याच्या चाकूने वार केले, ज्यामध्ये निदाचा मृत्यू झाला. पोलिसांनी आरोपी रिमशाला अटक करून न्यायालयात हजर केले असून पुढील कायदेशीर कारवाई सुरू आहे.

हे ही वाचा : Personal Finance: सोन्याचे किंमती झाल्या कमी, आता सोने खरेदी करावे की पाहावी आणखी वाट?

माहेरी आली अन् गेला जीव

या संपूर्ण प्रकरणाचा खुलासा करताना पोलिसांनी सांगितले की, 12 जुलै रोजी निदाच्या हत्येची घटना उघडकीस आली होती, ज्यावर पोलिसांनी तात्काळ गुन्हा दाखल केला होता. पोलीस तपास आणि तांत्रिक विश्लेषणाच्या आधारे पोलिसांना रिमशावर संशय आला. घटनेच्या दिवशी दुपारी 12 वाजण्याच्या सुमारास रिमशा आपल्या माहेरी आली होती. तिथे तिचे निदासोबत याच कारणावरून कडाक्याचे भांडण झाले. या वादादरम्यान संतापलेल्या रिमशाने किचनमधील चाकू उचलला आणि थेट निदाच्या छातीत वार केला, ज्यामुळे तिचा मृत्यू झाला.

हे ही वाचा : शरद पवार घड्याळ आतल्या बाजूने का घालतात? अंकशास्रज्ञाने सांगितलं लॉजिक

आणखी कोणाचा सहभाग?

पोलिसांनी आरोपी रिमशाची सखोल चौकशी केली असता तिने आपला गुन्हा कबूल केला आहे. पोलिसांनी आरोपीच्या सांगण्यावरून हत्येसाठी वापरलेला चाकूही जप्त केला आहे. या संपूर्ण घटनेमध्ये आणखी कोणाचा सहभाग होता का आणि त्यांची या गुन्ह्यात काय भूमिका होती, याचा तपास पोलीस करत आहेत. या प्रकरणात पुढील कायदेशीर कारवाई सुरू आहे.