मुंबई: राहत्या फ्लॅटवरून जोडप्यात वाद! संतापलेल्या पतीने बायकोच्या डोक्यात दगड घातला अन्...

फ्लॅटवरून पती-पत्नीमध्ये वाद 

पोलिसांनी घटनेतील आरोपी पतीला अटक केली असून सिराज नाईक अशी आरोपीची असल्याचं सांगितलं जात आहे. पोलिसांच्या माहितीनुसार, आरोपी सिराजवर त्याच्या मुमताज नाईक नावाच्या 45 वर्षीय पत्नीची हत्या केल्याचा आरोप आहे. SRA प्रोजेक्टअंतर्गत मिळणाऱ्या फ्लॅटवरून पती-पत्नीमध्ये वाद झाला होता. याच वादातून, पतीने पत्नीची हत्या केल्याचं समोर आलं आहे. 

मिळालेल्या माहितीनुसार, सिराज आपली पत्नी आणि तीन मुलांसह मालवणी परिसरात राहत होता. त्याचं राहतं घर हे पुनर्विकासासाठी जाणार होतं. यावरून, सिराज त्याच्या पत्नीला म्हणाला की, जर त्यांनी बिल्डरला 9.70 लाख रुपये दिले तर या योजनेअंतर्गत त्यांना नवा फ्लॅट मिळेल. सिराजला हे पैसे एकट्याने भरणे शक्य नव्हते. त्यामुळे त्याने पत्नीला आणि मुलांना यासाठी पैसे देण्यास सांगितलं होतं. मात्र, यासाठी मुमताजने विरोध केला आणि त्यानंतर, त्या दोघांमधील वाद वाढत गेला. 

हे ही वाचा: पत्नीवर अ‍ॅसिड फेकलं अन् नंतर, छतावरून खाली ढकललं... पतीच्या जाचामुळे महिलेचा मृत्यू!

दगडाने वार करून पत्नीची हत्या 

पोलिसांच्या म्हणण्यानुसार, त्या रात्री मुमताज झोपण्यासाठी गेली. त्यावेळी, आरोपी पती एक मोठा दगड घेऊन आला आणि त्या दगडाने त्याने त्याच्या पत्नीच्या डोक्यावर वार केला. यामुळे, या हल्ल्यात गंभीररित्या जखमी झालेल्या मुमताजचा जागीच मृत्यू झाला. या घटनेनंतर, आरोपी थेट मालवणी पोलीस स्टेशनमध्ये पोहोचला आणि पोलिसांना घडलेल्या घटनेची माहिती देत सरेंडर केलं.