गाडीतून सामान उतरवताना भरधाव कारने उडवलं, अपघातात 8 जण जागीच ठार, मृतांची नावं समोर
पोलिसांनी दिलेल्या माहितीनुसार, श्रीराम ढाब्याचे मालक सोमनाथ वायसे हे आपल्या ढाब्यासाठी फ्रिज पिकअप वाहनातून उतरवत होते. यावेळी मागून भरधाव वेगाने येणाऱ्या स्विफ्ट डिजायर कारने त्यांना जोरदार धडक दिली.
ADVERTISEMENT
बातम्या हायलाइट
पुण्यातील जेजुरी-मोरगाव रोडवर अपघात
अपघातात 8 जण जागीच ठार
श्रीराम ढाब्याचे मालक सोमनाथ वायसेंचाही मृत्यू
पुणे : राज्यात गेल्या काही दिवसांमध्ये अनेक भीषण अपघात घडले आहेत. त्यातच आता पुण्यातील जेजुरी-मोरगांव रोडवर भीषण अपघात, 8 जणांचा मृत्यू झालाय. बुधवारी सायंकाळी 6:45 वाजण्याच्या सुमारास किर्लोस्कर कंपनीजवळ श्रीराम ढाब्यासमोर हा भीषण अपघात झाला. या अपघातात 8 जणांचा जागीच मृत्यू झाला, तर एक पुरुष, एक महिला आणि दोन लहान मुलं जखमी झाली आहेत.
ढाब्यासाठी आणलेलं फ्रिज गाडीतून उतरवत होते...
पोलिसांनी दिलेल्या माहितीनुसार, श्रीराम ढाब्याचे मालक सोमनाथ वायसे हे आपल्या ढाब्यासाठी फ्रिज पिकअप वाहनातून उतरवत होते. यावेळी मागून भरधाव वेगाने येणाऱ्या स्विफ्ट डिजायर कारने त्यांना जोरदार धडक दिली. या भीषण अपघातात सात पुरुष आणि एका महिलेचा मृत्यू झाला. मृतांपैकी एकाची ओळख अद्याप पटलेली नाही. मृतदेह जेजुरी ग्रामीण रुग्णालयात शवविच्छेदनासाठी नेण्यात आले आहेत, तर जखमींवर जेजुरीतील शांताई हॉस्पिटलमध्ये उपचार सुरू आहेत.
हे ही वाचा >> सयाजीराजे वॉटर पार्कमधील राइडने घेतला बिझनेसमनचा जीव, फिरता पाळणा तुटला अन्...
मृतांची नावं:
1.सोमनाथ रामचंद्र वायसे - पुरंदर, पुणे
हे वाचलं का?
