सयाजीराजे वॉटर पार्कमधील राइडने घेतला बिझनेसमनचा जीव, फिरता पाळणा तुटला अन्...

नेमकं काय घडलं वॉटरपार्कमध्ये?

मिळालेल्या माहितीनुसार या अपघातात पाळण्यातील तिघेजण जखमी झाल्याची माहिती आहे. वेगाने फिरणाऱ्या पाळण्यामध्ये तुषार धुमाळ यांच्यासह आणखी दोघे जणही होते. ज्यामध्ये दोघे जण गंभीर जखमी झाले असून तुषार धुमाळ यांचा मात्रा मृत्यू झाला.

हे ही वाचा>> पुण्यातील बुधवार पेठेत वेश्या व्यवसायाच्या नावाखाली सुरू होतं भलतंच...

भिगवण येथील व्यावसायिक असलेले तुषार धुमाळ हे पाळणा कोसळून झालेल्या अपघातात अत्यंत गंभीर जखमी झाले होते. त्यामुळे धुमाळ यांना तात्काळ अकलूज येथील रुग्णालयात उपचारासाठी दाखल करण्यात आलं होते. मात्र, उपचारापूर्वीच त्यांचा मृत्यू झाल्याचं डॉक्टरांनी घोषित केलं. धुमाळ हे भिगवण येथील नावाजलेले एलआयसी (LIC) उद्योजक आहेत. दरम्यान, अपघातातील इतर दोन जखमींवर रुग्णालयात उपचार सुरू आहेत.

जयसिंह मोहिते-पाटील यांच्या मालकीचे हे वॉटर पार्क असून दुर्दैवाने आज येथील पाळण्याच्या झालेल्या अपघातात तुषार धुमाळ यांना आपला जीव गमवावा लागला. दरम्यान, या घटनेमुळे वॉटर पार्कमध्ये भीती आणि आक्रोश पसरला. या घटनेचा धक्कादायक व्हिडिओ देखील समोर आला आहे. ज्यावरून या अपघाताची तीव्रता लक्षात येते.