72 तास मृत्यूशी झुंज, ढिगाऱ्याखालून पत्नीला सेल्फी पाठवला, अन् मिळालं नवजीवन

moshi building collapse survivor vijay sapkal last selfie : मोशी येथील वेस्ट-टू-एनर्जी प्रकल्पातील भीषण दुर्घटनेला 72 तास उलटले असले तरी बचावकार्य अद्याप सुरूच आहे. बुधवारी दुपारी दीडच्या सुमारास प्रकल्पाच्या इमारतीवर कचऱ्याचा मोठा ढिगारा कोसळल्याने मोठी दुर्घटना घडली. या अपघातात अनेक कर्मचारी ढीगाऱ्याखाली आणि इमारतीच्या पिलर्सजवळ अडकले होते. आयुक्त विजय सूर्यवंशी यांनी दिलेल्या माहितीनुसार, आतापर्यंत एकूण 16 जणांना बाहेर काढण्यात आले आहे. त्यापैकी दोघांचा मृत्यू झाला असून सात जणांचा शोध अद्याप सुरू आहे. ढिगाऱ्याखाली दोन जण दिसत असले तरी त्यांना सुरक्षितपणे बाहेर काढण्यात मोठ्या अडचणी येत आहेत. एनडीआरएफच्या माहितीनुसार, बचावकार्य आज मध्यरात्रीपर्यंत पूर्ण होण्याची शक्यता व्यक्त करण्यात आली आहे.