शैक्षणिक पात्रता काय?

या पदासाठी अर्ज करू इच्छिणाऱ्या उमेदवारांकडे किमान 50% गुणांसह 10 वी उत्तीर्ण असणे आवश्यक आहे. या शैक्षणिक पात्रतेसोबतच उमेदवारांकडे प्रादेशिक परिवहन कार्यालयाचा (RTO) वैध 'बसवाहक परवाना' (कंडक्टर लायसन्स) आणि बिल्ला (Badge) असणे बंधनकारक आहे. शारीरिक पात्रतेचा विचार केला तर उमेदवाराची उंची किमान 154 सेमी ते कमाल 178 सेमी दरम्यान आणि वजन किमान 45 किलो असणे आवश्यक आहे. उमेदवारांचे वय 29 जुलै 2026 रोजी 18 ते 38 वर्षांच्या दरम्यान असावे, तर राखीव प्रवर्गातील उमेदवारांसाठी नियमानुसार वयात 5 वर्षांची सूट देण्यात आली आहे.

हे ही वाचा : "अशाने मोठ्या नेत्यांची विश्वासार्हता कमी होते...", संजय राऊत पवारांवर भडकले

अर्ज कसा कराल?

या भरतीसाठी उमेदवारांना केवळ ऑनलाईन पद्धतीनेच अर्ज करता येणार असून, अर्ज करण्याची अंतिम तारीख 29 जुलै निश्चित करण्यात आली आहे. अर्जासाठी खुल्या प्रवर्गातील उमेदवारांना 1000 रुपये परीक्षा शुल्क भरावे लागेल, तर राखीव प्रवर्गातील उमेदवारांसाठी हे शुल्क 900 रुपये ठेवण्यात आले आहे. इच्छुक उमेदवारांनी अधिक माहितीसाठी आणि ऑनलाईन अर्ज नोंदणीसाठी 'बेस्ट' उपक्रमाच्या www.bestundertaking.com या अधिकृत वेबसाईटला भेट द्यावी.

हे ही वाचा : "मुख्यमंत्री आहेस ना तू..", फडणवीसांच्या विधानसभेतील भाषणावरुन राज ठाकरे संतापले

वेतन किती मिळणार?

निवड झालेल्या उमेदवारांना 'बेस्ट' उपक्रमाकडून आकर्षक वेतन आणि भत्ते दिले जाणार आहेत. यामध्ये मूळ वेतन रुपये 22060 रुपये असून, त्यासोबत महागाई भत्ता, घरभाडे भत्ता, वैद्यकीय भत्ता आणि गणवेश धुलाई भत्ता मिळणार आहे. याशिवाय रजेचे रोखेकरण, रजा प्रवास भत्ता आणि उपक्रमाच्या बसमधून मोफत प्रवासाची सुवर्ण सुविधा देखील कर्मचाऱ्यांना उपलब्ध होईल, ज्यामुळे उमेदवाराचे अंदाजे एकूण मासिक वेतन सुमारे 36,000 रुपयांच्या घरात जाणार आहे.