रेल्वेचा डब्बा नव्हे हा तर हनिमून कोच.. Video समोर आला अन् टीसीचा बाजारच उठला!
नांदिग्राम एक्स्प्रेसच्या फर्स्ट AC कोचमध्ये हनिमूनसाठी फुलांची सजावट केल्याचा व्हिडिओ व्हायरल झाला आहे. ज्यानंतर आता रेल्वेकडून अनधिकृत व्यक्तीला प्रवेश दिल्याप्रकरणी TTE निलंबित करण्यात आलं आहे.
ADVERTISEMENT
मुंबई: भारतीय रेल्वेच्या फर्स्ट AC कोचमध्ये हनिमूनसाठी तयार करण्यात आलेल्या फुलांच्या आकर्षक सजावटीचा व्हिडिओ सोशल मीडियावर मोठ्या प्रमाणात व्हायरल झाला आहे. मात्र, या व्हिडिओनंतर दक्षिण मध्य रेल्वेने (South Central Railway) तातडीने कारवाई करत संबंधित तिकीट तपासणीस (TTE) यांना निलंबित केले असून संपूर्ण प्रकरणाची विभागीय चौकशी सुरू केली आहे.
नेमकं प्रकरण काय?
दक्षिण मध्य रेल्वेने दिलेल्या माहितीनुसार, 6 जुलै 2026 रोजी धावणाऱ्या ट्रेन क्रमांक 11002 नांदिग्राम एक्स्प्रेसमध्ये प्रवास करणाऱ्या एका नवविवाहित जोडप्याने त्यांच्या फर्स्ट AC कोचची सजावट करण्यासाठी ऑनलाइन माध्यमातून खासगी डेकोरेटरची नियुक्ती केली होती.
हे ही वाचा>> Govt Jobs : बुलेट ट्रेन बनवणाऱ्या कंपनीत नोकरीची सुवर्णसंधी, तब्बल 1 लाखाहून अधिक पगार
यानंतर संबंधित डेकोरेटरने रेल्वेच्या फर्स्ट AC कोचमध्ये प्रवेश करून संपूर्ण कोच फुलांनी सजवला. सोशल मीडियावर व्हायरल झालेल्या व्हिडिओमध्ये कोच गुलाबाच्या फुलांनी, हारांनी आणि सजावटीच्या साहित्याने आकर्षकपणे सजवण्यात आल्याचं दिसत आहे. अनेकांनी याला 'हनिमून कोच' अशी उपमा दिली. याचा व्हिडिओ राजेंद्र आकलेकर यांनी सोशल मीडियावर पोस्ट केला आहे.
रेल्वेने घेतली गंभीर दखल
रेल्वे प्रशासनाच्या म्हणण्यानुसार, डेकोरेटरचा कोचमध्ये प्रवेश अधिकृत नव्हता. रेल्वेच्या सुरक्षा नियमांनुसार, अधिकृत परवानगीशिवाय बाहेरील कोणत्याही व्यक्तीला अशा प्रकारे आरक्षित AC कोचमध्ये प्रवेश देता येत नाही.
