राजगुरुनगर हादरलं, शिक्षक शिकवत असताना दहावीतील पुष्कराजचा गळा चिरला, खासगी क्लासमध्ये लहान मुलांचे गँगवॉर
Rajgurunagar Crime News : क्लासमेट असलेल्या प्रयाग सोमनाथ मांजरे याने पुष्कराज दिलीप शिंगाडे या विद्यार्थ्यावर चाकूने हल्ला केल्याची प्राथमिक माहिती आहे. काही क्षणांतच प्रसंग भयावह बनला. शिक्षक आणि विद्यार्थ्यांना काही समजण्याच्या आतच पुष्कराज रक्ताच्या थारोळ्यात कोसळला.
ADVERTISEMENT
बातम्या हायलाइट
राजगुरुनगर हादरले, शिक्षक शिकवत असताना मुलाचा गळा चिरला,
खासगी क्लासमध्ये लहान मुलांचे गँगवॉर
Rajgurunagar Crime News , राजगुरुनगर (पुणे) : पुणे जिल्ह्यातील राजगुरुनगरमध्ये भल्या सकाळी घडलेल्या एका धक्कादायक घटनेने संपूर्ण शहर हादरले आहे. खासगी शिकवणी वर्गात शिक्षक शिकवत असतानाच दोन अल्पवयीन विद्यार्थ्यांमधील वादाने हिंसक वळण घेतले आणि एका विद्यार्थ्याचा चाकूने गळा चिरण्यात आला. या हल्ल्यात गंभीर जखमी झालेल्या मुलाचा उपचारादरम्यान मृत्यू झाला. शाळा-क्लासमध्ये सुरक्षिततेचा प्रश्न पुन्हा एकदा ऐरणीवर आला आहे.
राजगुरुनगरमधील एका खासगी क्लासमध्ये सकाळच्या सत्रात दहावीच्या विद्यार्थ्यांचा वर्ग सुरू होता. शिक्षक धडा शिकवत असतानाच अचानक वर्गात गोंधळ उडाला. क्लासमेट असलेल्या प्रयाग सोमनाथ मांजरे याने पुष्कराज दिलीप शिंगाडे या विद्यार्थ्यावर चाकूने हल्ला केल्याची प्राथमिक माहिती आहे. काही क्षणांतच प्रसंग भयावह बनला. शिक्षक आणि विद्यार्थ्यांना काही समजण्याच्या आतच पुष्कराज रक्ताच्या थारोळ्यात कोसळला.
घटनेनंतर क्लासमध्ये एकच गोंधळ उडाला. जखमी अवस्थेत पुष्कराजला तातडीने रुग्णालयात दाखल करण्यात आले. मात्र, डॉक्टरांनी केलेल्या प्रयत्नांनंतरही उपचारादरम्यान त्याचा मृत्यू झाला. या घटनेमुळे पालक, विद्यार्थी आणि शिक्षकांमध्ये प्रचंड भीतीचे वातावरण पसरले आहे.
हेही वाचा : महापालिका निवडणुकांच्या तोंडावर उद्धव ठाकरेंना तगडा धक्का, तेजस्वी घोसाळकरांनी साथ सोडली
हे वाचलं का?
