Ahmedabad Air India Crash: अहमदाबादमध्ये अपघात, महाराष्ट्रावर आघात.. राज्यातील किती जणांनी गमावला जीव?

हेही वाचा : 'मला जिवंत असल्याचा विश्वासच...' विमान अपघातात बचावलेल्या प्रवाशाने सांगितला घटनाक्रम

अपघातात सुनील तटकरेंच्या नातेवाईकाचा मृत्यू

या क्रू मेंबर्समध्ये राष्ट्रवादीचे नेते सुनील तटकरे यांच्या नातेवाईकांचा समावेश असल्याची माहिती समोर आली. अर्पणा महाडिक असे त्यांचे नाव असून त्या गोरेगावच्या रहिवाशी आहेत. अर्पणाचे पतीही या क्षेत्रात गेली काही वर्षे काम करत असल्याची माहिती राष्ट्रवादीचे नेते सुनील तटकरेंनी माहिती दिली. 

बदलापूरचे दीपक पाठक क्रू मेंबरचं निधन

बदलापूरचे दीपक पाठक या एयर इंडियाच्या क्रू मेंबरचाही यामध्ये समावेश होता. त्यांचाही या विमान अपघातात मृत्यू झाला आहे. दीपकचा चार वर्षांपूर्वी विवाह झाला होता. त्यांनी अपघाताच्या काही वेळाआधी आईसोबत फोनद्वारे संपर्क साधत संभाषण केलं होते, त्यांना स्वप्नातही वाटलं नाही की, असे होईल. 

डोंबिवलीतील रोशनी सोनघरे यांचा मृत्यू

राज्यातील तिसऱ्या क्रू मेंबर्सच्या अपघातात रोशनी सोनघरे यांचं नाव समोर आलं आहे. रोशनी या डोंबिवलीच्या रहिवासी आहेत. विमान अपघातात रोशनीच्या निधनाने त्यांच्या कुटुंबात शोक व्यक्त केला आहे. 

कॅप्टन सुमित संभ्रवालसह इतर दोन क्रू मेंबर्सचा मृत्यू

मुंबईतील पवई हिरानंदानी भागातील रहिवासी कॅप्टन सुमित सबरवाल यांचाही या विमान अपघातात मृत्यू झाला आहे. तसेच सुमित यांना एक बहीण आणि दोन भाचे आहेत. ते दोघेही वैमानिक म्हणून कार्यरत आहेत. सुमित यांच्या आईचं दोन वर्षापूर्वी निधन झालं. अशातच पनवेलच्या मैथिली पाटील या क्रू मेंबरचंही निधन झालं आहे. तसेच सहवैमानिक असलेले सिविक कुंदर हे देखील या अपघातात मृत्यूमुखी पडले. ते सुद्धा मुंबईतच राहत होते. 

हेही वाचा : Air India Plane Crash: अपघात झालेल्या विमानात महाराष्ट्रातील होती 'एवढी' लोकं, यादीच आली समोर!

साईनीता चक्रवर्तींचाही अपघातात मृत्यू

तर मुंबईतील जुहू कोळीवाडा येथील रहिवासी असणाऱ्या साईनीता चक्रवर्तींचाही अपघातात मृत्यू पावल्या आहेत. तिच्या पाश्चात तिला एक बहीण, आई आणि वडील असे तिचं कुटुंब होतं. गरीब परिस्थितीशी सामना करत तिने या क्षेत्रात नोकरी मिळवली. मात्र, तिच्यावर काळाचा घाला.