बीड : मस्साजोग येथील देशमुख कुटुंबीयांच्या घरात चोरी, सर्वजण झोपलेले असताना मध्यरात्री चोरट्यांनी मारला डल्ला
Beed Crime News : बीड जिल्ह्यातील मस्साजोग गावात दिवंगत सरपंच संतोष देशमुख यांच्या घरी मध्यरात्री चोरी झाली असून, पोलिसांनी याप्रकरणी तपास सुरू केला आहे.
ADVERTISEMENT
बातम्या हायलाइट
बीड : मस्साजोग येथील देशमुख कुटुंबीयांच्या घरात चोरी,
सर्वजण झोपलेले असताना चोरट्यांनी मारला डल्ला
Beed Crime News : बीड जिल्ह्यातील मस्साजोग गावात मध्यरात्री एका घरफोडीची घटना समोर आली आहे. या गावाचे दिवंगत माजी सरपंच संतोष देशमुख यांच्या निवासस्थानाला चोरट्यांनी आपले लक्ष केले असून, ज्या वेळी ही घटना घडली त्या वेळी कुटुंबातील सर्व सदस्य गाढ झोपेत होते. ही चोरी मध्यरात्रीच्या सुमारास अत्यंत नियोजनबद्ध पद्धतीने करण्यात आल्याचे दिसून येत आहे. प्रतिष्ठित कुटुंबाच्या घरात अशा प्रकारे शिरून घरफोडी झाल्यामुळे संपूर्ण मस्साजोग गावात आणि परिसरात मोठी खळबळ उडाली असून ग्रामस्थांमध्ये भीतीचे वातावरण निर्माण झाले आहे.
घरातील लोक झोपलेले असताना चोरटे घरात शिरले
या घटनेच्या वेळी घरात दिवंगत संतोष देशमुख यांचे बंधू धनंजय देशमुख, पत्नी अश्विनी देशमुख, त्यांची आई आणि कुटुंबातील इतर सर्व सदस्य उपस्थित होते. हे सर्व सदस्य आपापल्या खोलीत झोपलेले असताना चोरट्यांनी घरात प्रवेश केला. विशेष म्हणजे, घरात इतकी माणसे असतानाही कोणालाही या चोरीचा सुगावा लागला नाही. सकाळी जेव्हा घरातील सदस्य झोपेतून जागे झाले, तेव्हा त्यांना घरातील सामान अस्ताव्यस्त पडलेले दिसले. चोरी झाल्याचे लक्षात येताच कुटुंबाने तातडीने आरडाओरडा केला आणि या घटनेची माहिती पोलिसांना देण्यात आली.
पोलीस तपास आणि फॉरेन्सिक पथकाचे आगमन
घटनेची माहिती मिळताच मस्साजोग गावात केज पोलीस स्टेशनचे पथक तातडीने दाखल झाले. प्रकरणाचे गांभीर्य ओळखून बीड स्थानिक गुन्हे शाखेच्या पथकालाही पाचारण करण्यात आले आहे. चोरट्यांचा माग काढण्यासाठी फॉरेन्सिक टीम देखील घटनास्थळी पोहोचली. पोलिसांनी घटनास्थळाचा पंचनामा करण्यास सुरुवात केली. पोलीस प्रशासनाकडून सध्या वेगाने तपास चक्रे फिरवली जात असून लवकरच आरोपींना अटक करण्यात येईल, असा विश्वास व्यक्त केला जात आहे.
इतर महत्त्वाच्या बातम्या
