बीड नगरपरिषदेच्या इमारतीवर कर्मचाऱ्याचा गळफास घेतलेल्या अवस्थेत मृतदेह आढळला

छतावर असलेल्या लोखंडी शिडीला लटकलेला मृतदेह आढळला 

अधिकची माहिती अशी की, सकाळच्या सुमारास काही कर्मचारी कामासाठी इमारतीत आले असता त्यांनी छतावर एका शिडीला लटकलेला मृतदेह पाहिला. तात्काळ ही माहिती वरिष्ठ अधिकाऱ्यांना आणि पोलिसांना देण्यात आली. काही वेळातच पोलीस घटनास्थळी दाखल झाले आणि पंचनामा सुरू केला. परिसरात मोठी गर्दी झाली होती, तर पोलिसांनी इमारतीच्या छतावर कोणालाही प्रवेश न देण्याचे आदेश दिले.

बीड नगरपरिषदेत खळबळ 

मृत अविनाश धांडे हे नगरपरिषदेच्या वसुली विभागात गेल्या काही वर्षांपासून कार्यरत होते. मात्र त्यांनी आत्महत्या केलीये की आणखी काही घडलंय? याबाबतचा तपास पोलिसांनी सुरु केला आहे. पोलिसांनी मृतदेह ताब्यात घेऊन पोस्टमॉर्टेमसाठी रुग्णालयात पाठवण्याची प्रक्रिया सुरु केली आहे. या घटनेमुळे नगरपरिषदेतील कर्मचारी वर्गात शोककळा पसरली आहे. अविनाश धांडे यांच्या अचानक मृत्यूने त्यांच्या कुटुंबावर दुःखाचा डोंगर कोसळला आहे. संपूर्ण बीड शहरात या घटनेबद्दल हळहळ व्यक्त केली जात आहे.

इतर महत्त्वाच्या बातम्या