फरीदाबादमध्ये छापे अन् डॉ. उमर मोहम्मद भीतीने कापू लागला, जागेवर नवा कट रचला, तपासात मोठी माहिती समोर
Delhi Car blast : फरीदाबादमध्ये छापे अन् डॉ. उमर मोहम्मद भीतीने कापू लागला, जागेवर नवा कट रचला, तपासात मोठी माहिती समोर
ADVERTISEMENT
बातम्या हायलाइट
फरीदाबादमध्ये छापे अन् डॉ. उमर मोहम्मद भीतीने कापू लागला
जागेवर नवा कट रचला, तपासात मोठी माहिती समोर
Delhi Car blast : दिल्लीतील लाल किल्ल्याजवळ मेट्रो स्टेशनच्या बाहेर कारमध्ये झालेला स्फोट हा दहशतवादी हल्ला असल्याचं स्पष्ट झालं आहे. या स्फोटात आतापर्यंत 8 जणांचा मृत्यू झाला असून 20 जण जखमी आहेत. तपास यंत्रणांच्या माहितीनुसार, कारमध्ये स्फोटक बसवून हा हल्ला करण्यात आला होता. आतापर्यंतच्या तपासात हे उघड झालं आहे की लाल किल्ला ब्लास्टचा संबंध फरीदाबादमधील दहशतवादी मॉड्यूलशी आहे.
पोलिसांनी घटनास्थळी सापडलेल्या कारमधील मृतदेहाचा डीएनए तपास करण्याचा निर्णय घेतला आहे, ज्यातून हे स्पष्ट होईल की कारमध्ये बसलेला व्यक्ती हा डॉक्टर उमर मोहम्मदच होता का? गुप्तचर यंत्रणांना संशय आहे की I-20 कारमध्ये डॉक्टर उमर मोहम्मदच होता. एका सीसीटीव्ही फुटेजमध्ये तो काळ्या रंगाचा मास्क घातलेला दिसत आहे.
फरीदाबादमध्ये मोठ्या प्रमाणावर सापडलेल्या अमोनियम नायट्रेटच्या प्रकरणानंतर दिल्ली पोलिस आणि इतर तपास यंत्रणा डॉक्टर उमर मोहम्मदचा शोध घेत होत्या. हा उमर मोहम्मद फरीदाबाद टेरर मॉड्यूलचा दहशतवादी असून, तो काही दिवसांपासून फरार होता.
सूत्रांच्या माहितीनुसार, स्फोटाच्या वेळी उमर मोहम्मद कारमध्ये एकटाच होता. त्याने आपल्या दोन साथीदारांसोबत हल्ल्याची योजना आखली होती. फरीदाबाद मॉड्यूलमधील अनेक अटक झाल्यानंतर उमर मोहम्मदला स्वतःच्या अटकेची भीती वाटू लागली. त्यामुळे घाबरून त्याने आत्मघाती हल्ल्याची योजना आखली. कारमध्ये डेटोनेटर बसवून त्याने स्फोट घडवला.
हे वाचलं का?
