डोंबिवली हादरलं! तीन वर्षाच्या चिमुरडीसह मावशीला सर्पदंश, विवाहाची ठरली होती तारीख, नंतर रुग्णालयात जाताच...

हे ही वाचा : गणेश घायवळने पोलिसांना गुंगारा दिला, आधी लंडन, तर आता स्वित्झर्लंडमध्ये जाऊन बसला, गुन्हे दाखल तरीही पासपोर्ट ...

रविवारी सकाळी झोपेत असताना चिमुरड्या प्रणवीला सर्पदंश केला. त्यानंतर ती रडू लागली आणि तेव्हाच मावशी श्रुतीने प्रणवीला उचलून घेतले आणि आईकडे दिले. प्रकृती बघता तातडीने दोघांनाही केडीएमसीच्या शास्त्रीनगर रुग्णालयात दाखल केले. 

भाची आणि मावशीचा सर्पदंशाने मृत्यू

डॉक्टरांनी प्रकृती अगदी स्थिर असल्याचं सांगितलं, पण नंतर प्रणवीची प्रकृती बिघडली आणि तिला ठाणे सिव्हिलमध्ये हलवण्यात आले. मात्र, उपचारादरम्यान, प्रणवीचा मृत्यू झाला. तसेच श्रुतीवर खासगी रुग्णालयात उपचार सुरु होते, परंतु तिचाही रात्री मृत्यू झाल्याची दुर्देवी घडली. या घटनेनं डोंबिवलीतील आजदे गावात शोक व्यक्त करण्यात येत आहे. 

या एकूण घटनेनंतर डोंबिवली महापालिकेचे मुख्य वैद्यकीय अधिकारी डॉक्टर शुक्ला यांनी सांगितलं की, सर्पदंश झाल्यानंतर मुलीवर उपचार सुरु होते, तिला लसही देण्यात आली होती. मात्र, कल्याण डोंबिवली महापालिकेच्या शास्त्रीनगर हॉस्पिटलमध्ये आयसीयु वॉर्ड नसल्याचे तिचा मृत्यू झाला, यामुळे कुटुंबियांनी हॉस्पिटलच्या प्रशासनावर प्रश्न उपस्थित करत संताप व्यक्त केला आहे.