लैंगिक शक्ती वाढवण्यासाठी वडील लावायचे ‘टेस्टेस्टोरॉन जेल’! पण 10 महिन्यांच्या मुलीच्या संपर्कात येताच पुरुषांप्रमाणे...

नेमकं काय घडलं?  

साहलग्रेन्सका युनिव्हर्सिटी हॉस्पिटलमधील बालरोग एंड्रोकाइनोलॉजी तज्ज्ञ प्रोफेसर जोवाना डाहलग्रेन यांनी मुलीच्या शरीरातील असामान्य बदलामागचं कारण उघडकीस आणलं. ती 10 महिन्यांची मुलगी नेहमी आपल्या वडिलांच्या छातीवर झोपायची आणि तिथे तिचे वडील नेहमी टेस्टोस्टेरॉन जेल लावायचे.

टेस्टोस्टेरॉन क्रीम म्हणजे काय? 

शारीरिक संबंध प्रस्थापित करताना ऊर्जेची कमतरता असल्यास किंवा शक्ती वाढवण्यासाठी या जेलचा वापर केला जातो. त्यावेळी ती मुलगी सतत या क्रीमच्या संपर्कात येत राहिली आणि तिच्या शरीरावर याचा परिणाम झाला. याच कारणामुळे तिच्या गुप्तांगामध्ये असामान्य वृद्धी जाणवू लागली.

हे ही वाचा: अंघोळ करताना काढले व्हिडीओ अन् ब्लॅकमेल! पुण्यातील क्लास वन अधिकाऱ्याने पत्नीसोबतच असं का केलं?

प्रोफेसर डाहलग्रेन यांनी गोटेबोर्ग्स पोस्टेन या स्वीडिश वर्तमानापत्रात संबंधित प्रकरण 8 वर्षांपूर्वीचं असल्याचं सांगितलं. त्यांनी पालकांनी होर्मोनल उपचारांमुळे उद्भवणाऱ्या धोक्यांबद्दल सावध राहण्याचा सल्ला दिला. त्यांच्या मते, लोकांना अशाप्रकारच्या होर्मोनल उपचारांच्या परिणामांचा अंदाज नसतो. आई-वडिलांच्या अशा चुकीमुळे लहान मुलांच्या आरोग्यावर देखील याचा विपरित परिणाम होऊ शकतो.

मुलीच्या आरोग्यात सुधार 

10 महिन्यांच्या मुलीच्या शरीरात असामान्य बदल जाणवू लागल्यास तिच्या आई-वडिलांनी लगेच डॉक्टरांशी संपर्क साधला. मुलीची ब्लड टेस्ट केली असता तिच्या शरीरात टेस्टोस्टेरॉन होर्मोनचं प्रमाण असामान्य पद्धतीने वाढलं असल्याचं दिसून आलं. त्यानंतर वडिलांनी त्या जेलचं वापर करणं थांबवलं आणि त्यामुळे मुलीचं गुप्तांग हळूहळू सामान्य झालं.

हे ही वाचा: 17 वर्षीय विद्यार्थ्यासोबत शिक्षिकेचे शारीरिक संबंध, “सगळं संमतीने होतं…” मुंबई कोर्टाचा मोठा निर्णय!

10 वर्षांच्या मुलाच्या शरीरात स्तन...  

प्रोफेसर डाहलग्रेन यांनी आणखी एका अशा प्रकरणाबद्दल सांगितलं. आईच्या होर्मोनल उपचारांमुळे एका 10 वर्षांच्या मुलामध्ये स्तन विकसित झाले होते. अशाप्रकारच्या उपचारांमुळे मुलांच्या शरीरावर याचा विपरित परिणाम होऊ शकतो.