HSC RESULT 2026 : बारावीच्या निकालाविषयी HSC बोर्डाने माहिती दिली आहे. आज (2 मे) सकाळी घेतलेल्या पत्रकार परिषदेत विभागनिहाय निकालाची टक्केवारी जाहीर करण्यात आली आहे. नऊ विभागीय मंडळांसाठी एकूण १४, ३३, ०५८ विद्यार्थ्यांनी परीक्षा दिली होती. त्यापैकी १२, ८६, ८४३ विद्यार्थी उत्तीर्ण झाले आहेत. परीक्षा दिलेल्या एकूण विद्यार्थ्यांपैकी ८९.७९ टक्के विद्यार्थी उत्तीर्ण झाले आहेत. गेल्या वर्षीपेक्षा यंदा दोन टक्के कमी निकाल लागला आहे. गेल्या वर्षी ९१.८८ टक्के इतका निकाल लागला होता.