फुटपाथवरुन 10 वर्षीय मुलीचं अपहरण, बलात्कार करुन हत्या; पोलिसांनी आरोपीवर झाडली गोळी
Delhi Crime News : दिल्लीच्या महरौलीत फुटपाथवर झोपलेल्या 10 वर्षीय मुलीचे अपहरण करून बलात्कार आणि नंतर हत्या. आरोपी ड्रायव्हरला 4 तासांत अटक, पळून जाताना पोलिसांनी झाडल्या गोळ्या
ADVERTISEMENT
बातम्या हायलाइट
फुटपाथवरुन 10 वर्षीय मुलीचं अपहरण
बलात्कार करुन हत्या; पोलिसांनी आरोपीवर झाडली गोळी
Delhi Crime News : फुटपाथवर आपल्या कुटुंबासह झोपलेल्या 10 वर्षीय मुलीला एका ड्रायव्हरने नशेत असताना जबरदस्तीने उचलून नेले. त्यानंतर त्याने तिच्यावर अत्याचार करुन तिची हत्या केली. दरम्यान, काही तासांतच पोलिसांनी वेगाने तपास करून आरोपीला अटक केली. अटकेनंतर त्याने पळून जाण्याचा प्रयत्न केल्याने पोलिसांच्या चकमकीत त्याच्या पायाला गोळी लागली. चौकशीदरम्यान आरोपीने मुलीवर बलात्कार करून तिची हत्या केल्याची कबुली दिली. या घटनेने संपूर्ण परिसरात खळबळ उडाली आहे.
हेही वाचा : मुंबई : लोकलमध्ये किरकोळ वाद, तरण्याबांड मुलाचा खून, आईने हंबरडा फोडला
आरोपी मुलीला घेऊन पसार झाला, अन् पुढे काय घडलं?
सोमवारी पहाटे घडलेल्या या घटनेत पीडित मुलगी तिचे आई-वडील, दोन बहिणी आणि एका भावासह महरौली परिसरातील सीडीआर चौकाजवळील फुटपाथवर झोपली होती. हे कुटुंब तेथेच फुटपाथवर राहते. त्याच वेळी बबलू नावाचा ड्रायव्हर तिथे आला. तो नशेत होता आणि एखादे भाडे मिळावे या प्रतीक्षेत होता. फुटपाथवर झोपलेल्या मुलीला पाहून त्याने तिला जबरदस्तीने उचलले आणि गाडीत टाकण्याचा प्रयत्न केला. दरम्यान मुलीची झोपमोड झाली आणि ती आरडाओरडा करू लागली. आवाज ऐकून तिचे वडील गाडीमागे धावले, मात्र तोपर्यंत आरोपी मुलीला घेऊन पसार झाला होता. वडिलांनी तात्काळ पीसीआरला कॉल करून पोलिसांना माहिती दिली.
हेही वाचा : लग्नसोहळ्याची तयारी सुरू होती, नवरी मुलीसह आई वडिलांनी उचललं टोकाचं पाऊल, अश्लील फोटो अन्..
