सियाने केतनला संपवण्यासाठी लोहगडच का निवडला? एक अवघड चढण अन् मृत्यूचा सापळा...
महाराष्ट्रातील लोहगड किल्ल्यावर 26 वर्षीय केतन अग्रवालचा झालेला मृत्यू हा केवळ एक अपघात नसून, पोलिसांच्या तपासात त्याच्या हत्येचा कट रचल्याचे उघड झाले आहे. पण या हत्येसाठी सियाने लोहगडच का निवडला होता?
ADVERTISEMENT
पुणे: लोहगड किल्ल्याच्या उंच कड्यावरून पडून 26 वर्षीय केतन अग्रवालच्या झालेल्या मृत्यूने संपूर्ण महाराष्ट्राला धक्का बसला आहे. सुरुवातीला हा एक अपघात मानला जात असला तरी, पोलिसांच्या तपासातून समोर आलेली कहाणी एखाद्या क्राईम थ्रिलरसारखी आहे. पोलिसांचा आरोप आहे की, केतनची होणारी पत्नी सिया गोयल आणि तिचा मित्र चेतन चौधरी यांनी त्याच्या हत्येचा कट रचून 18 जून रोजी त्याला कड्यावरून खाली ढकलले. आता या प्रकरणातील सर्वात मोठा प्रश्न हा आहे की, काही महिन्यांतच लग्न होणार असलेली एक तरुणी तिच्या होणाऱ्या नवऱ्याच्या जीवावर का उठली?
केतनचे वडील, विशाल अग्रवाल, आपल्या मुलाची आठवण काढून भावुक होतात. ते म्हणाले, "तो माझ्या म्हातारपणी माझा आधार होणार होता. मला आशा होती की तो आयुष्यभर माझ्यासोबत राहील आणि एक दिवस माझ्या चितेला अग्नी देईल. पण कुणाच्यातरी गुन्हेगारी कृत्याने माझा मुलगा माझ्यापासून हिरावून घेतलं.''
हे का घडले, हे समजून घेण्याचा प्रयत्न कुटुंब अजूनही करत आहे. पोलीस येत्या काही दिवसांत हत्येमागील हेतू उघड करू शकतात, परंतु केतनच्या मृत्यूला कारणीभूत ठरलेल्या घटनाक्रमामुळे अनेक प्रश्न निर्माण झाले आहेत. लोहगड किल्ल्यावर वारंवार केलेल्या ट्रिप, बालीची सहल रद्द करणे, हत्येचा अयशस्वी प्रयत्न आणि त्यानंतर पुन्हा लोहगडावर ट्रेक, या सर्व गोष्टी आता तपासाच्या केंद्रस्थानी आहेत.
प्रश्न: ते जोडपे लोहगडला वारंवार का भेट देत होते?
इंडिया टुडेच्या ओपन सोर्स इंटेलिजन्स (OSINT) टीमने लोहगड किल्ल्याचा भूगोल, उंची आणि सभोवतालच्या परिसराचा अभ्यास केला. तपासात असे आढळून आले की, हा किल्ला सभोवतालच्या परिसरापेक्षा अंदाजे 600 फूट उंच आहे. येथे उंच कडे, खोल दऱ्या आणि मुख्य पर्यटन स्थळांपासून दूर असलेले अनेक भाग आहेत, जे अत्यंत दुर्गम आहेत.
