'भिकारी' म्हणून प्रशासनाने फोटो व्हायरल केले, पण 'त्या' कुष्ठरोग असलेल्या वृद्धाचे नातेवाईक कोट्याधीश
Indore Crorepati Bhikari : काही दिवसांपूर्वी इंदौरच्या शहर प्रशासनाने 'भिकारीमुक्त शहर' हे अभियान सुरु केलं होतं. त्यानंतर मांगीलाल हा वृद्ध भिकारी राहिला नाही, अशी जाहिरात प्रशासनाकडून करण्यात आली होती. मात्र या जाहिराती पाहिल्यानंतर संबंधित वृद्धाच्या नातेवाईकांनी संताप व्यक्त केला.
ADVERTISEMENT
बातम्या हायलाइट
इंदौरमधील एक भिकारी करोडपती असल्याची माहिती समोर आली होती.
प्रकरणाने घेतले वेगळे वळण
नातेवाईकांचा वेगळाच दावा
Indore Crorepati Bhikari : काही दिवसांपूर्वी इंदौरच्या शहर प्रशासनाने 'भिकारीमुक्त शहर' हे अभियान सुरु केलं होतं. त्यानंतर मांगीलाल हा वृद्ध भिकारी राहिला नाही, अशी जाहिरात प्रशासनाकडून करण्यात आली होती. मात्र या जाहिराती पाहिल्यानंतर संबंधित वृद्धाच्या नातेवाईकांनी संताप व्यक्त केला. मांगीलाल हे भिकारी नसून आमच्याकडे कोट्यवधींची संपत्ती आहे, असं नातेवाईकांनी सांगितलं. यानंतर प्रशासनावर या प्रकरणाचा खुलासा करण्याची वेळ आली. नेमकं प्रकरण काय आहे, समजून घेऊया.
हे ही वाचा : कॉम्रेड गोविंद पानसरे यांच्या हत्या प्रकरणातील आरोपीचा हृदयविकाराने मृत्यू
मांगीलालकडे आहे करोडोंची संपत्ती
मांगीलालकडे करोडो रुपयांची संपत्ती असल्याचा दावा इंदौर प्रशासनाने केला होता. त्यानुसार, त्याच्याकडे तीन पक्की घरं, तीन ऑटो रिक्षा आणि एक कार असल्याचं प्रशासनानं सांगितलं होतं. तीन घरांपैकी एक तीन मजली इमारत आहे. तसेच रिक्षा भाड्याने चालवण्यासाठी दिल्या आहेत आणि कारवर एक ड्रायव्हर ठेवला आहे. यानंतर सबंध देशभरात मांगीलालची चर्चा सुरु झाली होती.
'मी भिकारी नाही'
मांगीलालविषयी सोशल मीडियात जोरदार चर्चा सुरु झाली होती. त्याचा एक फोटोही व्हायरल झाला होता. मांगीलाल हा दिव्यांग असल्याने त्याला चालता येत नाही. यासाठी तो चाक असलेली फळी वापरतो. हा फोटो व्हायरल झाल्यानंतर त्याचे कुटुंबिय समोर आले असून मांगीलाल भिकारी नसल्याचे त्याच्या पुतण्याने सांगितले आहे. पुतण्याने दिलेल्या माहितीनुसार, मांगीलाल एका आश्रयगृहात राहतात. ते मार्केचमध्ये भीक मागण्यासाठी नाही, तर व्याजाने दिलेले पैसे परत मागण्यासाठी जात होते. तीन मजली इमारत ही माझ्या आईच्या नावावर आहे. इतर घरांचा कोर्टात खटला चालू आहे.
हे वाचलं का?
