ओबीसी नेते लक्ष्मण हाके यांच्या कारवर हल्ला, गाडीच्या काचा फोडल्या; अहमदनगरमध्ये काय घडलं?
ओबीसी नेते लक्ष्मण हाके यांच्या कारवर हल्ला, गाडीच्या काचा फोडल्या; अहमदनगरमध्ये काय घडलं?
ADVERTISEMENT
बातम्या हायलाइट
ओबीसी नेते लक्ष्मण हाके यांच्या कारवर हल्ला
अहमदनगरमध्ये हाकेंच्या गाडीच्या काचा फोडल्या
Laxman Hake, अहमदनगर : ओबीसी नेते लक्ष्मण हाके (Laxman Hake) यांच्या कारवर अहमदनगरमध्ये हल्ला करण्यात आलाय. हाकेंच्या गाडीच्या काचा फोडण्यात आल्या आहेत. जिल्ह्यातील आरणगावच्या बाहेरील रस्त्यावरुन नाश्ता करुन लक्ष्मण हाके फोर्ड या कारमधून पुढे जात होते. यावेळी अज्ञात तरुणांनी लाठ्या-काठ्या घेत कारवर हल्ला केलाय. त्यामुळे खळबळ उडाली आहे. लक्ष्मण हाके यांनी आज (दि.27) अहमदनगरमध्ये सभेचं आयोजन केलं होतं. दरम्यान, सभास्थळी पोहोचण्याआधीच ही घटना घडली आहे.
हल्ला झाल्यानंतर लक्ष्मण हाके काय म्हणाले?
आम्ही दौंड मार्गे आहिल्यानगर बायपासवरुन येत असताना सारंगी हॉटेलसमोर 10 ते 12 लोकांनी आमच्या गाडीवर हल्ला केला आहे. आमच्यासोबत पोलीस असतानाही त्यांनी मोठे बांबू आणले. आमच्या दोन्ही गाड्यांवर त्यांनी बेछुट हल्ला केला आहे. आजवरचा माझ्यावर नऊ वेळा हल्ले झाले आहेत. महाराष्ट्र शासनाला याची कोणतीही फिकिर नाही. आम्ही ओबीसी आरक्षण वाचवा म्हणतोय हा आमचा गुन्हा आहे का? असं लक्ष्मण हाके म्हणाले आहेत.
लक्ष्मण हाके यांच्या मुलाच्या कारवरही झाला होता हल्ला
दरम्यान, कारवर हल्ला झाल्यानंतर हल्ला झाल्यानंतर लक्ष्मण हाके यांची सभा होणार की नाही? याबाबत चर्चा सुरु झाली आहे. मात्र, हाकेंकडून याबाबत कोणतीही अपडेट देण्यात आलेली नाही. मागच्या अनेक दिवसांपासून धमकीचे फोन येत असल्याचं लक्ष्मण हाके यांनी सांगितलं होतं. शिवाय लक्ष्मण हाके यांच्या मुलाच्या कारवर देखील अशाच प्रकारचा हल्ला करण्यात आला होता. \
हे वाचलं का?
