'इतका' मिळणार पगार

या पदासाठी निवडल्या जाणाऱ्या उमेदवारांना सातव्या वेतन आयोगानुसार 21,700 ते 69,100 रुपये (स्तर-३) या श्रेणीत वेतन दिले जाईल. याशिवाय सशस्त्र सीमा बलामध्ये लागू असलेले इतर सर्व भत्तेही उमेदवारांना देय असतील. ही पदे 'कॉम्बॅटाईज्ड' स्वरूपाची असल्याने उमेदवारांना शिस्तबद्ध आणि आव्हानात्मक वातावरणात काम करण्याची संधी मिळणार आहे. क्रीडा क्षेत्रात प्राविण्य मिळवलेल्या तरुणांसाठी सरकारी नोकरी मिळवण्याचा हा एक उत्तम मार्ग आहे.

हे ही वाचा : 116, 117 की 118..., थलपती विजय यांना किती आमदारांचा पाठिंबा? राजभवनातील सूत्रांनी आकडा सांगितला

'असा' करा अर्ज

भरतीची प्रक्रिया पूर्णपणे ऑनलाइन पद्धतीने राबवली जाणार आहे. अर्ज करण्याची प्रक्रिया 9 मे पासून सुरू झाली असून, ऑनलाइन अर्ज सादर करण्याची अंतिम मुदत 7 जूनपर्यंत निश्चित करण्यात आली आहे. इच्छुक उमेदवारांनी अधिकृत संकेतस्थळ www.recruitment.ssb.gov.in किंवा www.ssb.gov.in वर जाऊन विहित नमुन्यात आपले अर्ज भरायचे आहेत. 

हे ही वाचा : पीएम मोदी पाया पडले अन् आनंदाने मिठीही मारली, माखनलाल सरकार आहेत तरी कोण?

'अशी' होणार निवड प्रक्रिया

निवड प्रक्रियेमध्ये प्रामुख्याने कागदपत्रांची पडताळणी, क्रीडा नैपुण्याची पडताळणी, शारीरिक मानक चाचणी (PST), मैदानी चाचणी किंवा कौशल्य चाचणी आणि शेवटी वैद्यकीय तपासणी (DME/RME) यांचा समावेश असेल. सर्व निकषांमध्ये पात्र ठरणाऱ्या उमेदवारांची गुणवत्ता यादीनुसार निवड केली जाईल. पात्र खेळाडूंनी या संधीचा लाभ घेऊन आपले अर्ज वेळेत सादर करावेत, असे आवाहन करण्यात आले आहे.