Parag Desai Dies: धक्कदायक! Wagh Bakri चहा मालकाचा मृत्यू, भटक्या कुत्र्यांनी घेतला जीव
Wagh Bakri Director Parag Desai Dies: 15 ऑक्टोबर रोजी मॉर्निंग वॉकला निघालेल्या पराग देसाई यांच्यावर रस्त्यावरील कुत्र्यांनी हल्ला केला होता. कुत्र्याच्या हल्ल्यापासून स्वतःला वाचवत असताना ते जोरात घसरले ज्यामध्ये त्यांच्या डोक्याला दुखापत झाली. ज्यानंतर उपचारादरम्यान त्यांचा मृत्यू झाला.
ADVERTISEMENT
Parag Desai Passes Away: वाघ बकरी चहा (Wagh Bakri Tea) आज देशातील आघाडीच्या चहा कंपन्यांपैकी एक आहे. या कंपनीसाठी आणि उद्योगासाठी एक वाईट बातमी आहे. वाघ बकरी चहा समूहाचे कार्यकारी संचालक पराग देसाई (Parag Desai) यांचे अचानक निधन (Death) झाले. ते अवघ्या 49 वर्षांचे होते. (wagh bakri tea owner parag desai was attacked by a street dog died at the age of 49)
वास्तविक, 15 ऑक्टोबर रोजी पराग देसाई यांना अपघातात ब्रेन हॅमरेज झाला होता. कुटुंबातील जवळचा मित्र आणि कंपनीचे मार्केटिंग हेड यांनी दिलेल्या माहितीनुसार, पराग देसाई हे 15 ऑक्टोबरला संध्याकाळी घराजवळ फिरायला गेले होते. संध्याकाळी काही कुत्रे त्यांच्यावर भुंकायला लागले. कुत्र्याच्या हल्ल्यापासून स्वतःला वाचवत असताना ते घसरले आणि जमिनीवर पडले, त्यामुळे त्यांच्या डोक्याला गंभीर दुखापत झाली.
डोक्याला गंभीर दुखापत
रिपोर्टनुसार, इस्कॉन अम्बली रोडवर पायी जात असताना कुत्र्याच्या हल्ल्यात पराग देसाई जखमी झाले. त्यांना तात्काळ शेल्बी हॉस्पिटलमध्ये दाखल करण्यात आले. यानंतर त्यांना शस्त्रक्रियेसाठी झायडस रुग्णालयात नेण्यात आले, तिथे त्यांना व्हेंटिलेटरवर ठेवण्यात आले. रविवारी 22 ऑक्टोबर रोजी त्यांचे निधन झाले. ब्रेन हॅमरेजमुळे त्यांचा मृत्यू झाल्याचे सांगण्यात येत आहे.
पराग देसाई यांचे वडील रसेस देसाई हे सध्या वाघ बकरी ग्रुपचे व्यवस्थापकीय संचालक आहेत. वाघ बकरी चहा कंपनीत पराग हे विक्री, मार्केटिंग आणि निर्यात या गोष्टी पाहत होते. पराग देसाई यांनी न्यूयॉर्कमधील लॉन आयलँड विद्यापीठातून एमबीएचे शिक्षण घेतले होते. पराग देसाई यांच्या कुटुंबातील सदस्य चार पिढ्यांपासून चहाच्या व्यवसायात आहेत.
हे वाचलं का?
