Pune : राहुल हंडोरे दर्शना पवारचा नातेवाईक होता का? ओळख झाली तरी कशी?
दर्शना पवार हत्याकांड प्रकरणात ज्याचा पोलीस पाच दिवसांपासून शोध घेत होते, त्या राहुल हंडोरेला अंधेरी रेल्वेस्थानकात मोठ्या शिताफीने पकडण्यात आले.
ADVERTISEMENT
Darshana Pawar Murder Case in Marathi : एमपीएससी परीक्षेत महाराष्ट्रातून तिसरी आलेली आणि वनपरिक्षेत्र अधिकारी म्हणून निवड झालेल्या दर्शना पवारच्या हत्याकांडाने महाराष्ट्र हादरला. दर्शना पवारला मित्रानेच संपवलं. पुणे ग्रामीण पोलिसांनी राहुल हंडोरेला या प्रकरणी मुंबईतील अंधेरी रेल्वे स्टेशनवर अटक केली. या हत्याकांडानंतर राहुल हंडोरे कोण? तो दर्शनाचा नातेवाईक आहे का? दर्शना आणि राहुल यांची भेट नेमकी कधी आणि कशी झाली होती? हे आणि असेच असंख्य प्रश्न या निमित्ताने उपस्थित झाले आहेत. यातील काही प्रश्नांची उत्तरं समोर आली आहेत.
दर्शना पवार हत्याकांड प्रकरणात ज्याचा पोलीस पाच दिवसांपासून शोध घेत होते, त्या राहुल हंडोरेला अंधेरी रेल्वेस्थानकात मोठ्या शिताफीने पकडण्यात आले. दर्शना पवार हत्येप्रकरणी 19 जून रोजी गुन्हा दाखल झाल्यापासून पोलीस त्याच्या मागावर होते. या काळात राहुल हंडोरे पश्चिम बंगालमध्येही गेला होता. अंधेरीवरून पुन्हा तो पुढे जाणार होता. पण, त्याआधीच त्याच्या हातात बेड्या पडल्या.
राहुल हंडोरे आणि दर्शना पवार नातेवाईक होते का?
या हत्या प्रकरणानंतर राहुल हंडोरे हा दर्शना पवारचा दूरचा नातेवाईक असल्याचंही म्हटलं गेलं. पण, याबद्दल पुणे पोलीस अधीक्षक अंकित गोयल यांनीच अधिकृत माहिती दिली. त्यांनी दिलेल्या माहितीप्रमाणे राहुल हंडोरे आणि दर्शना पवार हे एकमेकांचे नातेवाईक नव्हते.
हेही वाचा >> Patna : 17 पक्ष, अजेंडा आणि… विरोधकांसमोर आहेत ‘ही’ मोठी आव्हानं
अंकित गोयल यांनी दिलेल्या माहितीप्रमाणे दर्शना पवारचे मामा जिथे राहतात, त्यांच्या घरासमोरच राहुल हंडोरेचं घर आहे. त्यामुळेच दर्शना पवार आणि राहुल हंडोरे हे एकमेकांना लहानपणापासूनच ओळखत होते. तिथूनच त्यांची ओळख पुण्यात वाढत गेली.
हे वाचलं का?
