Same Sex Marriage बाबत सुप्रीम कोर्टाचा मोठा निर्णय, पाहा नेमका निकाल काय
Same Sex Marriage verdict: समलिंगी विवाहाला मान्यता मिळावी यासाठी सुप्रीम कोर्टात काही याचिका दाखल करण्यात आल्या होत्या. त्याबाबत कोर्टाने महत्त्वाचा निकाल दिला आहे. जाणून घ्या कोर्टाने नेमकं काय म्हटलं आहे.
ADVERTISEMENT
Same Sex Marriage supreme court verdict: नवी दिल्ली: सर्वोच्च न्यायालयाने (Supreme Court) समलिंगी विवाहांना (Same Sex Marriage) मान्यता देण्यास नकार दिला आहे. या प्रकरणी दाखल झालेल्या याचिकांवर सुनावणी घेतल्यानंतर कोर्टाने आपला निर्णय राखून ठेवला होता. जो आज (17 ऑक्टोबर) जाहीर करण्यात आला. यावेळी निकाल जाहीर करताना कोर्टाने याबाबत अनेक महत्त्वाची निरिक्षणं नोंदवली. सुप्रीम कोर्टाने सांगितले की, ‘हे विधिमंडळाचे अधिकार क्षेत्र आहे.’ हा निर्णय सर्वोच्च न्यायालयाच्या घटनापीठाने ३-२ ने दिला. समलिंगी विवाहावर निर्णय देताना सरन्यायाधीश डीवाय चंद्रचूड म्हणाले की, ‘सर्वोच्च न्यायालय विशेष विवाह कायद्यातील तरतुदी रद्द करू शकत नाही.’ (supreme court refuses to recognize same sex marriages split decision of 5 judges)
आपला निर्णय देताना सरन्यायाधीशांनी समलिंगी विवाहाला मान्यता देण्यास नकार दिला. ते म्हणाले की, ‘त्यांच्या मते समलिंगी विवाहाला मान्यता द्यायची की नाही याचा निर्णय संसदेने घ्यावा.’ समलिंगी समाजाविरुद्ध होणारा भेदभाव थांबवण्यासाठी त्यांनी केंद्र आणि पोलिस दलांना अनेक मार्गदर्शक सूचनाही जारी केल्या.
सरन्यायाधीशांच्या निर्णयानंतर न्यायमूर्ती संजय किशन कौल यांनीही समलिंगी जोडप्यांच्या हक्कांची बाजू मांडली. चार न्यायमूर्ती CJI, न्यायमूर्ती कौल, न्यायमूर्ती एस रवींद्र भट्ट आणि न्यायमूर्ती PS नरसिम्हा यांनी समलैंगिक विवाहावर विभाजित निर्णय दिला. न्यायमूर्ती हिमा कोहलीही या खंडपीठाचा एक भाग आहेत.
हे ही वाचा>> Meera Borwankar Ajit pawar : “तू मला सोडून गेलास, मी तुला सोडणार नाही”
मात्र, CJI यांनी समलिंगी जोडप्याला मूल दत्तक घेण्याचा अधिकार दिला आहे. CJI यांनी केंद्र आणि राज्य सरकारांना समलैंगिकांसाठी योग्य पावले उचलण्याचे आदेश दिले आहेत. तथापि, न्यायमूर्ती भट्ट म्हणाले, समलिंगी जोडप्यांना दत्तक घेण्यास परवानगी देण्याच्या CJI च्या मताशी ते असहमत आहेत.
हे वाचलं का?
